Read Central Malay 1 KURINTUS 8 Bible Online

1 KURINTUS 8 - Central Malay bible

1 KURINTUS 8

¹Mbak kini aku endak ngiciakka ceritau makanan diau la disiwaukatu. Ngenian katau jemau, “Gegalau kitauni la pintar.” Anyautu kepintarantu mbuat jemau geduak, tapitu nyayangi jemau neguaka ati.

²Jemau diau nyangkau la banyak keruan, lum ngeruani nian.

³Anyautu jemau diau nyayangi Allah, diautu dikeruani Allah.

⁴Kitau keruan, ceritau makan daging diau disiwauka, diumpamauka setu diau sebenaghau nidau bediau. Kitau keruan Allah itu sughang, nidau bediau diau lain.

⁵Nyela, banyak pulau setu diau dikiciakka diwau ngan tuan, empuak di langit, empuak di deniau.

⁶Anyautu amun kitau, Allah gi sughang, Diautu Bapak diau njadika gegalaunyau. Batan endak Diaula kitau idup. Mangku Tuhan gi sughang pulau, Diautu Yesus Keristus. Karnau Diau gegalaunyautu dijadika mangku karnau Diau pulau kitau idup.

⁷Anyautu nidau bilang ughang ngeruani titu. Adau jemau diau senitu pegi ke keramat, mbak kini diau gi meghasau, bansau makanan diau la disiwaukatu makanan diwau. Mangku amun ughangtu makan makanan itu, ughangtu meghasau bedusau, karnau kepercayauannyau lum tegua.

⁸Nyela, makanan nidau mbuat kitau diterimau ngan Allah. Amun kitau makan makanan itu, kitau nidau bediau untungau. Amun kitau nidau makan, kitau pulau nidau rugi tuapau-apau.

⁹Anyautu sepepadaula. Jangan tejadi jemau lain bedusau karnau kepercayauan lum tegua, karnau kamu bibas ngerjauka tuapau kila.

¹⁰Misalau kamu diau la keruan mangku duduak makan di keramat, mangku jemau diau kurang kepercayauannyau nginak kamu, jemautu pulau dibeghanika makan daging diau la disiwaukatu.

¹¹Mangku jemau diau nidau tegua kepercayauantu njadi benasau karnau kamu, awuak Keristus mati batan endak diau pulau.

¹²Amun kamu bedusau luak itu ngan kantin kamu jemau Keristen tadi, ngan merusakka jemau diau kurang kepercayauannyautu, kamu sebenaghau bedusau ngan Keristus.

¹³Itula sebapau amun makan daging diau mbuat kantinku bedusau, aku enggup agi nian makanau, mangku jangan kantinku bedusau karnau aku.