Read Central Malay GALATIA 4 Bible Online

GALATIA 4 - Central Malay bible

GALATIA 4

¹Diau endak kukiciakka ini: Selamau sughang anak diau behak nerimau peninggalan ba'au gi keciak, dikit kiala nidau bediau bidahau ngan sughang budak, empuak diau behak ngempu gegalaunyautu.

²Anyautu adau jemau diau njagauinyau ngan ngurusau, enggut masau diau ditetapka ba'au.

³Luak itu pulau kitau: Selamau kitau lum ngerti, kitau dikuasaui rua deniau.

⁴Anyautu la sampai masaunyau diau ditetapka Allah, mangku Diau ngajung ana'Au ke deniau. Diautu dilahirka sughang jemau tinau, mangku idup ta'at ngan ukum Taurat.

⁵Ngan carau luak itu Diau melepaska jemau diau idup dikuasaui ukum Taurattu, mangku gegalau kitau pacak njadi anak Allah.

⁶Karnau kamu anak Allah, mangku Diau ngajung Rua Ana'Au nguasaui ati kitau diau ngiciakka, “Bak, bakku!”

⁷Mangku kamu ukan agi budak, tapitu anak. Mangku amun kamu anak Allah, kamu pulau behak nerimau gegalaunyau diau disediauka Allah batan endak anak-ana'Au.

⁸Senitu, masau kamu lum keruan Allah, kamu dikuasaui rua-rua diau ukan jak di Allah.

⁹Anyautu mbak kini kamu la keruan Allah, apu tepatla Allah keruan kamu. Ngapau kamu endak ngulang agi ke rua deniau diau litak ngan sarau? Ngapau kamu endak dikuasaui agi ngan rua itu?

¹⁰Kamu meringati aghi diau ditetapka ngan bulan ngan taun diau ditetapka.

¹¹Aku ghegak, kalu aku bulia keria ajau batan endak kamu.

¹²Kantin-kantinku, aku mintak nian, supayau kamu njadi luak aku, karnau aku pulau la njadi luak kamu. Kamu nidau kekela ngerjauka setu diau nidau iluak ngan aku.

¹³Cengki kamu gi teghingat, bansau aku senitu ngiciakka ceritau iluak ngan kamu, karnau aku buidapan.

¹⁴Masau itu kamu nidau gheging ngan aku, empuak badanku luak itu mangku njadi cubauan batan endak kamu. Anyautu kamu nerimau aku luak nerimau malaikat Allah, luak nerimau Yesus Keristus itula.

¹⁵Kamu riang nian masau itu. Mbak kini di manau keriangan kamutu? Aku keruan, masau itu kamu sukau ngenjuakka gegalaunyau ngan aku, lagi pulau ncungkil matau kamu itula batan endak dienjuakka ngan aku, amun pacak.

¹⁶Apu kamu mbak kini nganggap aku musua, karnau aku ngiciakka setu diau benagh ngan kamu?

¹⁷Jemau diau lain itu ngan riang ndala'i kamu, anyautu rencanau ughangtu nidau iluak. Ughangtu cuman endak nceghaika kami ngan kamu, supayau kamu ngikut ughangtu ngan riang.

¹⁸Nyela iluak, amun riang ngerjauka setu diau iluak, asal maju luak itu, jangan cuman masau aku adau di guak kamu.

¹⁹Ui anak-anakku, karnau kamu aku mbak kini sengsarau agi luak sughang tinau diau endak merunggu. Aku ka maju sengsarau, amun sipat Keristus lum nyatau di kamu.

²⁰Aku ghindu nian endak seghundak ngan kamu, supayau aku pacak ngiciak ngan kamu ngan carau lain, karnau aku nidau keruan agi, tuapau diau endak kubuat ngan kamu.

²¹Cubau kiciakkala ngan aku, ui kamu diau endak idup na'ati ukum Taurat, apu kamu nidau ngerti setu diau dikiciakka dalam ukum itu?

²²Di situ ditulis, bansau Abraham adau duau ughang anak, sughang anak jak di tinau diau njadi buda'au, diau sughang agi jak di buntingau nian.

²³Anak jak di tinau diau njadi budaktu adau karnau kendak manusiau. Anak jak di buntingautu adau karnau dijanjika Allah.

²⁴Itu pacak dipakai njadi umpamau. Duau ughang tinau itu ibarat duau janji Allah. Diau sutiak asalau jak di gunung Sinai, itula Hagar. Anak-ana'au njadi budak pulau.

²⁵Hagar itula gunung Sinai di nenggeri Arab. Diautu ibarat kuta Yerusalim ngan gegalau jemaunyau diau mbak kini la njadi budak.

²⁶Anyautu Yerusalim diau di sergau itu Yerusalim nian, mangku diaula enduak kitau.

²⁷Karnau di Injil ditulis, “Riangla kaba, ui tinau diau nidau bediau anak ngan nidau kekela melahirka! Riangla ngan injiakla, ui kaba diau nidau kekela meghasauka sakit endak merunggu! Karnau tinau diau ditinggalka lakiau banyakla ana'au sangkan tinau diau maju idup ngan lakiau.”

²⁸Kantin-kantinku, kamu anak Allah diau adau karnau janji Allah, semegi luak Isak itu.

²⁹Mangku senitu anak diau adau karnau kendak manusiau nganiayau anak diau adau karnau kendak Rua Allah. Luak itu pulau mbak kini.

³⁰Mangku tuapau diau ditulis di Injil? Adau ditulis, “Laratkala tinau budak itu ngan ana'au, karnau anak jak di tinau budaktu nidau pacak sesamau hak ngan anak buntingau.”

³¹Karnau itu, kantin-kantinku, kitauni ukanau anak jak di sughang budak, tapitu kitau anak jak di buntingau nian.