Read Central Malay 2 YUHANIS 1 Bible Online

2 YUHANIS 1 - Central Malay bible

2 YUHANIS 1

¹Aku, sughang tuau jemau Keristen, nulis surat ini ngan kamu diau dipilia Allah ngan anak-anak kamu diau kusayangi. Ukan cuman aku, tapitu gegalau jemau diau keruan Allah diau benagh nyayangi kamu pulau,

²karnau Allah diau benagh adau dalam ati kitau mangku ka maju adau ngan kitau selelamaunyau.

³Aku bedu'a, supayau Allah Bapak ngan Ana'Au Yesus Keristus nyayangi kitau ngan ngenjuakka damai ngan kitau, supayau gegalaunyautu adau ngan kitau diau keruan diau benagh ngan sangi sayangi.

⁴Aku riang nian jak keruan, bansau adau anak kamu diau nuruti ajaghan Allah, luak diau la diperintaka Allah Bapak ngan kitau.

⁵Karnau itu, aku mintak nian, supayau kitau sangi sayangi. Ini ukan perinta diau empai. Perinta ini dikiciakka ngan kitau jak kitau empai percayau senitu.

⁶Amun kitau sangi sayangi, kitau nuruti perinta Allah. Mangku perinta inila diau kamu dengagh jak di senitu, bansau kamu mesti idup ngan sangi sayangi.

⁷Banyak tukang mbu'ung la ngidari jagat. Ughangtu nidau ngaku'i, bansau Yesus Keristus datang ke deniau nyerupaui jemau. Jemau luak itu tukang mbu'ung ngan musua Keristus.

⁸Sepepadaula, mangku kamu jangan kelengitan setu diau la kami kerjauka batan endak kamu. Beusahala, mangku kamu nerimau upa gegalaunyau.

⁹Jemau diau nidau nuruti ajaghan Keristus ngan nyimpang jak di situ, jemau itu nidau idup seghundak ngan Allah. Jemau diau maju nuruti ajaghan Keristus, jemautu seghundak ngan Allah Bapak ngan Ana'Au pulau.

¹⁰Amun adau jemau datang ngan ngajaghka ngan kamu setu diau nidau diajaghka Keristus, jangan nerimau jemautu di ghuma kapu dighi. Jangan pulau ngiciakka selamat ngan diau.

¹¹Karnau jemau diau ngiciakka selamat ngan jemau luak itu tuikut pulau ngerjauka kerjau diau ja'attu.

¹²Banyak nian diau endak kukiciakka ngan kamu, anyautu iluakla jangan pakai surat, karnau aku ngaghapka pacak berayak ngan kamu, mangku ngiciak buadapan ngan kamu, supayau kitau riang nian.

¹³Pesan jak di jemau Keristen diau dipilia Allah di sini.