Read Central Tibetan Bible ཨེ་ཕེ་སུ་པ། 3 Bible Online

ཨེ་ཕེ་སུ་པ། 3 - Central Tibetan Bible bible

ཨེ་ཕེ་སུ་པ། 3

¹དེའི་ཕྱིར་ང་པའུ་ལུ་ཁྱེད་ཡ་ཧུ་དཱ་པ་མིན་པ་རྣམས་ཀྱི་དོན་དུ་མཱ་ཤི་ཀ་ཡེ་ཤུའི་བཙོན་པ་ཡིན།

²ཁྱེད་རྣམས་ལ་ཕན་པའི་ཆེད་དུ་ང་ལ་དཀོན་མཆོག་གི་ཐུགས་རྗེ་སྤེལ་བའི་ལས་འགན་གནང་བ་ཁྱེད་ཚོས་ཐོས་ཡོད།

³ངས་སྔར་རགས་ཙམ་བྲིས་པ་ལྟར་མངོན་སུམ་དུ་གྱུར་བའི་སྒོ་ནས་ང་གསང་བ་དེའི་ཤེས་མཁན་དུ་གྱུར།

⁴དེ་བཀླགས་ནས་ང་ནི་མཱ་ཤི་ཀའི་གསང་བ་རྟོགས་མཁན་ཡིན་པ་ཁྱེད་ཚོས་ཤེས་ཐུབ།

⁵གསང་བ་དེ་སྔོན་གྱི་མི་རབས་ལ་མངོན་སུམ་དུ་མ་མཛད་ཀྱང༌། ད་ལྟ་དམ་པའི་ཐུགས་ཉིད་ཀྱི་སྒོ་ནས་ཁོང་གི་སྐུ་ཚབ་དམ་པ་དང༌། ལུང་སྟོན་པ་རྣམས་ལ་མངོན་པར་མཛད།

⁶གསང་བ་དེ་ནི་འཕྲིན་བཟང་བརྒྱུད་ནས་མཱ་ཤི་ཀ་ཡེ་ཤུའི་ཐོག་ནས་ཡ་ཧུ་དཱ་པ་མིན་པ་རྣམས་ཡ་ཧུ་དཱ་པ་དང་མཉམ་དུ་དཀོན་མཆོག་གི་བྱིན་རླབས་ཀྱི་བགོ་སྐལ་ཐོབ་མཁན་དང༌། སྐུ་ལུས་གཅིག་གི་ཡན་ལག དཀོན་མཆོག་གི་ཞལ་ཆད་འཛིན་མཁན་བཅས་སུ་གྱུར།

⁷ཁོང་གི་ནུས་མཐུ་ཡིས་ང་ལ་གནང་བའི་དཀོན་མཆོག་གི་ཐུགས་རྗེ་བཞིན་དུ་ང་ནི་འཕྲིན་བཟང་དེའི་ཞབས་ཏོག་ཏུ་གྱུར།

⁸ང་དཀོན་མཆོག་གི་མི་རྣམས་ལས་དམའ་ཤོས་ཡིན་ཡང༌། མཱ་ཤི་ཀའི་དཔག་ཏུ་མེད་པའི་ཐུགས་རྗེ་དེ་ཡ་ཧུ་དཱ་པ་མིན་པ་རྣམས་ལ་སྒྲོག་པ་དང༌།

⁹ཐམས་ཅད་འགོད་པ་གནང་མཁན་དཀོན་མཆོག་གི་ནང་ན་གནའ་སྔ་མོ་ནས་སྦས་པའི་གསང་བ་མི་ཐམས་ཅད་ལ་མངོན་པར་བྱེད་པའི་ཐུགས་རྗེ་དེ་ང་ལ་གནང་བྱུང༌།

¹⁰དེ་ནི་ཆོས་ཚོགས་ཀྱི་སྒོ་ནས་ཞིང་ཁམས་སུ་སྡོད་པའི་མཐུ་ལྡན་དང་དབང་ཅན་རྣམས་ལ་དཀོན་མཆོག་གི་ཤེས་རབ་རྣམ་པ་སྣ་ཚོགས་ད་ལྟ་མངོན་པར་འགྱུར་བའི་ཆེད་དུ་ཡིན།

¹¹ཡང་དེ་ནི་དཀོན་མཆོག་གིས་ཐོག་མཐའ་མེད་པའི་ཐུགས་དགོངས་བཞིན་དུ་མཱ་ཤི་ཀ་ཡེ་ཤུ་ངེད་རྣམས་ཀྱི་གཙོ་བོ་བརྒྱུད་ནས་བསྒྲུབས་པར་མཛད།

¹²ཁོང་བརྒྱུད་ནས་ང་ཚོ་འཇིགས་པ་མེད་པར་ཡིད་རྟོན་བྱེད་ཅིང་དད་པའི་སྒོ་ནས་དཀོན་མཆོག་གི་མདུན་དུ་འགྲོ་བའི་ལམ་ཡོད།

¹³དེའི་ཕྱིར་ངའི་སྡུག་བསྔལ་ཁྱེད་རྣམས་ལ་ཕན་པའི་ཆེད་དུ་ཡིན་པས་ཡིད་ཐང་མི་ཆད་པའི་ཞུ་བ་ཞུ།

¹⁴དེ་བས་ན། གནམ་ས་གཉིས་ལ་ཡོད་པའི་ཁྱིམ་ཚང་རེ་རེ་ལ་མིང་བྱུང་བའི་ཡབ་ཀྱི་དྲུང་དུ་པུས་མོ་སར་བཙུགས་ཏེ་ངས་སྨོན་ལམ་འདི་ལྟར་འདེབས།

¹⁶ཁོང་གི་དཔག་ཏུ་མེད་པའི་གཟི་བརྗིད་དང་མཚུངས་ཏེ། ཁོང་གི་ཐུགས་ཉིད་ཀྱི་སྒོ་ནས་ཁྱེད་ཚོའི་སེམས་སྟོབས་ཤུགས་ཀྱིས་བརྟན་པར་འགྱུར་ཞིང༌།

¹⁷དད་པའི་སྒོ་ནས་མཱ་ཤི་ཀ་ནི་ཁྱེད་ཚོའི་སེམས་ཀྱི་ནང་དུ་བཞུགས་པ་དང༌། བྱམས་པའི་རྨང་གཞི་ལ་བརྟེན་ནས།

¹⁸དད་ལྡན་ཐམས་ཅད་དང་མཉམ་དུ་མཱ་ཤི་ཀའི་བྱམས་པ་ནི་ཚད་ལས་འདས་པ་ཡིན་པ་རྟོགས་ཐུབ་པ་དང༌།

¹⁹དཀོན་མཆོག་གི་ཚེ་སྲོག་དང་ནུས་ཤུགས་ཀྱིས་ཁྱེད་ཚོ་གང་བར་འགྱུར་བའི་ཆེད་དུ། ཁྱེད་ཚོས་བློ་ཡུལ་ལས་འདས་པའི་བྱམས་པ་དེ་རྟོགས་པར་ཤོག

²⁰ད་ང་ཚོའི་ནང་དུ་ལས་སྒྲུབ་པའི་ནུས་མཐུའི་སྒོ་ནས་ང་ཚོས་ཞུ་བ་དང་བསམ་པ་ཐམས་ཅད་དེ་བས་ལྷག་པར་མཛད་ཐུབ་མཁན་ཁོང་ལ།

²¹ཆོས་ཚོགས་དང་མཱ་ཤི་ཀ་ཡེ་ཤུའི་ཐོག་ནས་དུས་རྒྱུན་དུ་མི་རབས་ནས་མི་རབས་ཐམས་ཅད་དུ་བསྟོད་པ་ཕུལ་བར་ཤོག ཨ་མེན། །