Read Central Tibetan Bible མངོན་པ། 15 Bible Online

མངོན་པ། 15 - Central Tibetan Bible bible

མངོན་པ། 15

¹དེ་ནས་ངས་དཀོན་མཆོག་གི་ཞིང་ཁམས་སུ་རྟགས་ཆེ་ཞིང་ཡ་མཚན་ཆེན་པོ་ཞིག་མཐོང་སྟེ། ཕོ་ཉ་བདུན་གྱིས་དཀོན་མཆོག་གི་ཐུགས་ཁྲོ་རྫོགས་པའི་ཆག་སྒོ་མཐའ་མ་བདུན་པོ་དེ་ཚོ་འཁྱེར་ཡོད།

²ངས་མེ་དང་འདྲེས་པའི་ཤེལ་གྱི་རྒྱ་མཚོ་འདྲ་བ་ཞིག་དང༌། དེའི་འགྲམ་ལ་གཅན་གཟན་དང༌། དེའི་འདྲ་སྐུ་དང་དེའི་མིང་གི་ཨང་གྲངས་ལས་རྒྱལ་བ་རྣམས་དཀོན་མཆོག་གི་པི་ཝང་འཁྱེར་བ་མཐོང༌།

³ཁོ་ཚོས་དཀོན་མཆོག་གི་ཞབས་ཕྱི་མོ་ཤེའི་མགུར་མ་དང༌། ལུ་གུའི་མགུར་མ་བཞེས་ཏེ། གཙོ་བོ་དཀོན་མཆོག་དབང་ཀུན་ནི། ། ཁྱེད་ཀྱི་མཛད་པ་ངོ་མཚར་ཆེ། ། མི་རིགས་ཡོངས་ཀྱི་རྒྱལ་པོ་ལགས། ། ཁྱེད་ཀྱི་འཕྲིན་ལས་དྲང་བདེན་ཆེ། །

⁴སུ་ཞིག་ཁྱེད་ལ་མི་བཀུར་ལ། ། ཁྱེད་མཚན་གཟི་བརྗིད་མི་རྩི་ཀྱེ། ། ཁྱེད་ནི་དམ་པ་གཅིག་པུ་སྟེ། ། མི་ཀུན་ཁྱེད་མདུན་ཕྱག་འཚལ་འོང༌། ། གཞུང་དྲང་མཛད་པ་མངོན་ཕྱིར་རོ། ། ཞེས་སོ། །

⁵དེ་རྗེས་ངས་བལྟས་ཏེ་དཀོན་མཆོག་གི་ཞིང་ཁམས་སུ་མཆོད་ཁང་གི་དཔང་པོའི་གུར་མཆོག་ཕྱེས་པ་མཐོང༌།

⁶ཆག་སྒོ་བདུན་འཁྱེར་བའི་ཕོ་ཉ་བདུན་མཆོད་ཁང་གི་ནང་ནས་ཐོན། ཁོང་རྣམས་ཀྱིས་དྲི་མ་མེད་པའི་ན་བཟའ་གཙང་ལ་བཀྲག་མདངས་ལྡན་པ་ཞིག་དང༌། སྐུ་བྲང་ལ་གསེར་གྱི་སྐུ་རས་བཞེས།

⁷སེམས་ཅན་བཞི་པོ་ལས་གཅིག་གིས་ཕོ་ཉ་བདུན་པོ་ལ་རྟག་ཏུ་གནས་པའི་དཀོན་མཆོག་གི་ཐུགས་ཁྲོ་ཡིས་གང་བའི་གསེར་གྱི་ཕོར་པ་བདུན་གནང་ནས།

⁸མཆོད་ཁང་ནི་དཀོན་མཆོག་གི་གཟི་བརྗིད་དང་ནུས་མཐུ་ལས་བྱུང་བའི་དུ་བས་གང་བས། ཕོ་ཉ་བདུན་གྱི་ཆག་སྒོ་བདུན་དེ་མ་ཚར་བའི་བར་དུ་མི་སུའང་དེའི་ནང་ལ་འགྲོ་མ་ཐུབ་བོ། །