Read Chang Naga KAOBAK 36 Bible Online

KAOBAK 36 - Chang Naga bible

KAOBAK 36

¹Ho Esau thensilen (kho Edom).

²Esauei Kanan sao ka hao yakla ngakei; Hitbü Eloneibü nouyangshou Ada, hoba Hivbü Zibeon shou Anaeibü nouyangnyu Oholibama;

³hoba Ishmael nouyangnyu Nebaioteibü na Basemat.

⁴Hobaje Adaei Esau la Elifaz bukkukei, hoba Basematei Reuel bukkukei;

⁵hoba Oholibamaei Jeush Jalam hoba Kora bukkukei. Habü ho hao la Kanana bukkubü Esau shousi shuong ki.

⁶Esauei yaksi shuong, hoba hao shousi shuong chema kibü pendou, hoba samkeisamuk hoba shatsinam pendou hoba yamkabü mei pendou hoba Kanan kaodaka thanbü nyaksinam pendou künan na Jakob jungka lubü kaodak to haukei.

⁷Aieilausi haoeneibü nyaksinam yongko yaangan kisije haoen liko kila amaiko apbei; hoba haoen kishang kaodaka haoeneibü shatsinam shanga haoen ashimalangko kikei.

⁸Hibü Esau (kho Edom) Seir shongha kikei.

⁹Seir shongha kibü Edom thensilen ho:

¹⁰Habü ho Esau shousi shuong nyen ki: Esaueibü yak Ada kabü Elifaz, hoba Esaueibü yak Basemat kabü shou Reul.

¹¹Hobaje Elifaz shousi shuong: Taman, Omar, Zefo, Gatam, hoba Kenaz.

¹²Esau shou Elifazei Timna nyenan lubü thangnyu chekei kikei hoba saoei haola Amalek bukkukei; khübü kho Esaueibü yak Adaeibü shisi shuong.

¹³Reuleibü shousi shuong habü ho: Nahat, Zera, Shama hoba Miza. Habü ho Esau yak Basemateibü shisi shuong.

¹⁴Zibeon shi Anaeibü nouyangnyu Oholibamaei saoeibü lao Esau la bukkubü shousi shuong: Jeush, Jalam hoba Kora.

¹⁵Esau thensilen yoa chung shuong habü: Esau shou jaishoubou Elifazeibü shousi shuong; chung: Taman, Omar, Zefo, Kenaz,

¹⁶Kora, Gatam hoba Amalek. Habü ho Edom kaodaka Elifaz ka bakbü chung shuong ki; haoen kho Adaeibü shisi shuong ki.

¹⁷Esau shou Reuleibü shousi shuong ho: chung shuong Nahat, Zera, Shama hoba Miza. Habü ho Edom kaodaka Reul ka bakbü chung shuong ki. Haoen kho Esau yak Basemateibü shousi shuong ki.

¹⁸Esau yak Oholibama shousi shuong ho: Chung shuong: Jeush, Jalam hoba Kora. Ho Esau yak Anaeibü nouyangnyu Oholibama ka bakbü chung shuong ki.

¹⁹Khübü phang shuong pendou kho Esau (kho Edom) shousi shuong, hoba khübü kho haoeneibü chung.

²⁰Habü ho Horbü Seir shousi shuong, aoyou kho kaopheia kikei: Lotan, Shobal, Zibeon, Ana,

²¹Dishon, Ezer hoba Dishon. Habü Edom kaodaka Seir shousi shuong chung ki.

²²Lotan shousi shuong: Hor hoba Homan. Timna kho Lotaneibü na yaksa kikei.

²³Shobal shousi shuong ho: Alvan, Manahat, Ebal, Shefo hoba Onam.

²⁴Zibeon shousi shuong ho: Aia hoba Ana. Ho Anaei haobou Zibeoneibü gadu lamshautishang yama dei aubü pakshang hapenkei.

²⁵Ana shousi shuong habü ho: Dishon hoba Anaeibü nouyangnyu Oholibama.

²⁶Dishon shousi shuong habü ho: Hemdan, Eshban, Ithran hoba Keran.

²⁷Ezer shousi shuong habü ho: Bilhan, Zaban hoba Akan.

²⁸Dishan shousi shuong habü ho: Uz hoba Aran.

²⁹Horbü ka longbü chung habü ho: Lotan, Shobal, Zibeon, Ana,

³⁰Dishon Ezer hoba Dishan. Habü ho Horbü ka longbü chung, haoen Seira kibü chempen theneithenko ki.

³¹Israel thüka aoeikei mo song adakjinei habü choba shuongei songdakkei;

³²Beor shou Bela Edom choba yeikei. Haoeibü sangnyu nyen Dinhaba kikei.

³³Ladang Bela haikei, Bozra ka Zera shou Jobabei hao jeila songdakkei.

³⁴Jobab haijinei Teman kaodak kabü Hushamei haoeibü setshang jeikei.

³⁵Ladang Husham haikei, Moab kaodaka Midianbü thükbou Bedad shou Hadad hao jeiko songdakkei. Hobaje haoeibü sangnyu nyen kho Avit kikei.

³⁶Hadad haikei hoba Masreka ka Samlaei hao jeila songdakkei.

³⁷Samla haikei, hoba Eufrates nyangko Rehobota Shaulei hao jeila songdakkei.

³⁸Shaul haikei hoba Akboreibü shou Baal-Hananei hao jeila songdakkei.

³⁹Ladang Akbor shou Baal-Hanan haikei kheijinei Hadadei hao jeila songdakkei. Haoeibü sangnyu nyen Pau kikei, (hoba haoyak kho Me-Zahab nouyangnyu Matred shou Mehetabel kikei.)

⁴⁰Esau ka thenbü chung shuong, haoen chempen weko, haoen kishang weko, hoba haoeneibü nyen weko hai ki: Timna, Alva, Jethet,

⁴¹Oholibama, Ela, Pinon,

⁴²Kenaz, Teman, Mibzar,

⁴³Magdiel hoba Iram. Habü ho haoenei kimbü kishang wekoa Edom chung shuong ki. Kho Edomeibü bou Esau kiteikei.