Read Chang Naga KAOBAK 46 Bible Online

KAOBAK 46 - Chang Naga bible

KAOBAK 46

¹Hibü Israelei haoei kibü pendou aakjung haukei hoba Beersheba sühan haobou Isak Mühghaü to lembei.

²Hobaje Mühghaüei nangnak mangha Israel to lenkei, “Jakob, Jakob!” Hobaje haoei jongaikei, “Ngo hanei kia.”

³Hobaje haoei laukei, “Ngo Mühghaü, kaboueibü Mühghaü. No Ijep kaodak to haula tehütma; aishanga ngei khünei no phang yaang yeitikulabü.

⁴Ngo ka yoa Ijep kaodak to haulabü, hoba ngei no maimaitham leingaibalabü. Hobaje Josefeibü ikei maimai ka nyeka yembulabü.”

⁵Hobaje Jakob Beersheba ka meimeijung haukei, hoba Israeleibü shousi shuongei haoeneibü bou Jakob hoba lulueibü shousina shuong hoba yaksi shuong Faraoei hautibü kailong to angtian leian haukei.

⁶Hobaje haoenei lulueibü shatsinam hoba Kanan kaodaka ai peisilei ki kho pendou künan Jakob hoba haoeibü chempen pendou Ijep kaodak to haukei.

⁷Khei haoei haoeibü shousi nouyang jayangshou hoba shisi shousi hoba thensilen khümbo hao yoa Ijep kaodak to leian haukei.

⁸Ijep kaodak to haubü Israel shousi shuong nyen habü ho: Jakob hoba haoeibü shousi shuong: Jakobeibü shou jaishoubou Reuben,

⁹Reubeneibü shousi shuong: Hanok, Pallu, Hezron, hoba Karmi,

¹⁰Simoeneibü shousi shuong: Jemuel, Jamin, Ohad, Jakin, Zohar, hoba Kanan soei bukbü shou Shaul.

¹¹Levi shousi shuong: Gershon, Kohat, hoba Merari.

¹²Jihuda shousi shuong: Er, Onan, Shela, Perez, hoba Zera (lausikei Er si Onanje Kanan kaodaka haikei.) Perez shousi shuong: Hezron si Hamul.

¹³Issakar shousi shuong: Tola, Pua, Jashub, hoba Shimron.

¹⁴Zebulun shousi shuong: Sered, Elon, hoba Jaleel.

¹⁵Padan Arama kijinei Leaei Jakob la nouyangnyu Dina to liman bukkubü bousushou shuong ki. Hobaje nouyang jaiyangshou shuong pendouei müt khujinto sem kikei.

¹⁶Hobaje Gad shousi shuong: Zefon, Haggi, Shuni, Ezbon, Eri, Arodi hoba Areli.

¹⁷Asher shousi shuong: Imna, Ishva, Ishvi, hoba Beria. Haoeneibü na yaksa Sera kikei. Beria shousi shuong: Heber si Malkiel.

¹⁸Habü ho Labanei jembü nouyangshou Lea la kubü Zilpa shousi hoba saoei Jakob la müt anthüklak bukkukei.

¹⁹Jakob yak Racheleibü shou Josef si Benjamin.

²⁰Hobaje Ona ungshedbou Potifera nouyangnyu Asenatei Ijepa Josef la bukkubü shounyi: Manasse hoba Efraim.

²¹Hobaje Benjamin shousi shuong: Bela, Beker, Ashbel, Gera, Naman, Ehi, Rosh, Muppim, Huppim hoba Ard.

²²Jakob la Rachelei bukkubü shousi shuong pendouei müt anthüklei.

²³Dan shou Hushim.

²⁴Hobaje Naftali shousi shuong: Jazel, Guni, Jezer, hoba Shillem.

²⁵Labanei haoshou nouyangnyu Rachel la kubü Bilha shousi shuong pendouei müt nyet.

²⁶Jakob ka bakbü hoba hao yoa Ijep to haubü, haoeibü shousieibü yaksi shuong aweko, pendouei müt saosemto lak.

²⁷Ijep kaodaka bukbü Josefeibü shounyi wean Ijep kaodak to haubü Jakob chempen pendouei müt anjinlei kikei.

²⁸Tou Goshen kaonyek to lamlela shanga Jakobei Jihuda hao thedangto Josef jungto hautikei. Ladang haoen hauan Goshen kaodak sühkei,

²⁹kheijinei Josefei haoeibü kailong lamlean haobou Israel shuokla Goshen kaonyek to haukei. Josef hao thedanga sühlangsi lengko hao boueibü ngüma souan haaptanglekei.

³⁰Kheijinei Israelei Josef to laukei, “Touje ngo haila somakei, aieilausi tou sühko no lang kian ngei kathe hapa.”

³¹Kheijinei Josefei haoeibü jaisishuong si haobou chempen to laukei, “Ngo hauan Farao to ho lenkho, ‘Kanan kaodaka kibü ngeibü jaisinasi shuong hoba kübou chempen kü jungto louakei.

³²Haoen sanlombü shuong, aieilausi haoen shatsinam sambü shuong kikei, haoenei haoeneibü san, masu shuong hoba ajanjan pendou sungbakei.’

³³Ladang Faraoei kan ngaan, ‘Kan ai lamshauko kibü shuong?’ dogo phelaje

³⁴kheijinei kanei hai jongaishima, ‘Khei kaibü sambü shuong, küneibü pisi shuongei kümbü tegü, nashoudang ka tou sühko shatsinam, samkeisamuk thounoubü müt ki.’ Kheijinei kan Goshen kaoa kila sakkulabü, aishanga sanlombü shuongje Ijepbüei mangsenda.”