Read Chang Naga KAOBAK 5 Bible Online

KAOBAK 5 - Chang Naga bible

KAOBAK 5

¹Adam thensilen doan phobü. (Ladang Mühghaüei müt yaükei haoei hao Mühghaü phatbüa yaükei.

²Haoei haoen bousu hoba yaksa yaükei, hoba haoen haükukei. Hobaje ladang haoen yaükei haoei haoen to “Müt” dogo laukei.)

³Hobaje Adam po 130 onkei, hao tegü hao phatko bousushou che bukkei, hoba haoeibü nyen Seth nyenkukei.

⁴Seth bukan phaia Adam po 800 kikei, hoba hao ka bousushou si yaksashou kikei.

⁵Hobaje Adam langkei salang sünga po 930 kian hao haikei.

⁶Seth po 105 onjinei hao ka Enosh pakkei;

⁷hoba Enosh bukan phaia Seth po 807 kikei hoba hao ka bousushou si yaksashou hapbei,

⁸hoba Seth langkei salang po 912 kian hao haikei.

⁹Ladang Enosh po 90 kikei hao ka Kanan pakkei,

¹⁰hoba Kanan bukan phaia Enosh po 815 kikei, hoba lubü bousu si yaksa shou pakkei,

¹¹hoba Enosh langkei salang po 905 kikei hoba hao haikei.

¹²Ladang Kanan po 70 onkei, kheijinei haoei Mahalalel hapbei,

¹³hoba Mahalalel bukan phaia Kenan po 840 kikei hoba hao ka bousu si yaksa shousi pakkei,

¹⁴hoba Kanan langkei salang po 910 kikei hoba hao haikei.

¹⁵Ladang Mahalalel po 65 kikei kho chaloua hao ka Jared pakkei;

¹⁶hoba Jared bukan Mahalalel po 830 kikei hoba hao ka bousu si yaksa shousi pakkei.

¹⁷Hobaje Mahalalel langkei salang sünga po 895 kikei hoba hao haikei.

¹⁸Ladang Jared po 162 kikei hao ka Enok pakkei,

¹⁹hoba Enok bukan Jared po 800 kikei, hoba hao ka bousu si yaksa shousi pakkei,

²⁰hoba Jared salang po 962 kikei hoba hao haikei.

²¹Ladang Enok po 65 kikei haoei bousushou che Methusela kikei.

²²Hobaje Methusela bukan phaia Enok Mühghaü yoa po 300 paikei, hoba bousu si yaksa shousi kikei.

²³Hobaje Enok salang po 365 kikei.

²⁴Hobaje Enok Mühghaü yoa paikei; hoba hao akiko apbei, aieilausi Mühghaüei hao leilangkei.

²⁵Ladang Methusela po 187 kikei, kheijinei hao ka Lamek pakkei,

²⁶hoba Lamek bukan phaia Methusela po 782 kikei, hoba bousu si yaksa shousi pakkei;

²⁷Methusela langkei salang pendouei po 969 kikei, hoba kho phaia hao haikei.

²⁸Ladang Lamek po 182 kikei, haoei bousushou che kikei,

²⁹hoba haoei hao la Noa nyenkukei hoba laukei, “Aieilausi BUNYUBOUei kao la shedsikhau kubü hangshong seneibü kümsilei hoba seneibü ikei haujembüa sen solotilabü.”

³⁰Hobaje Noa bukan phaia Lamek po 595 kikei hoba haoei bousu si yaksa shousi shuong kikei,

³¹hoba Lamek langkei salang sünga po 777 kikei hoba hao haikei.

³²Hobaje Noa po 500 jai lean kikei; hoba haoei shousi müt sem - Shem, Ham hoba Jafet kikei.