Read Chang Naga 1 CHOBA SHUONG 4 Bible Online

1 CHOBA SHUONG 4 - Chang Naga bible

1 CHOBA SHUONG 4

¹Solomon Israel pendou thüka Choba kikei,

²hoba habü ho hao phanga yaangenbü shuong kikei: Ungshedbou shuong: Zadok shou Azaria

³Matjemshang dobou shuong: Shisha shounyi Elihoraf si Ahija Doletbou ikjaibou: Ahilud shou Jehoshafat

⁴Sepai lajamleibou: Jehoiada shou Benaia

⁵Governor shuong thüka khukabou: Nathan shou Azaria Choba thungetbou: Nathan shou ungshedbou Zabud

⁶Choba chema sambü shuongeibü ikjai: Ahishar Khangbü kümsilei thüka ikjaibou: Abda shou Adoniram.

⁷Solomonei Israela kaophei governor shuong müt anthüknyi pienkei. Haoen kho lulueibü kao- phei ka Choba si hao chemdang shanga poa lit cheeibü takletbü shausiyung thonla shangabü ikjaibü shuong kikei.

⁸Habü ho yaangenbü mütshuongeibü nyen hoba haoen la ikjai janletkubü kaophei shuong ki: Benhur: Efraim shongh kaonyek

⁹Bendeker: Makaz, Shalbim, Beth Shemesh, hoba Elon Beth Hanan sangnyu shuong

¹⁰Benhesed: Arubboth si Suko sangnyu shuong yoa Hefer kaon- yek thepan

¹¹Ben-Abinadab (Solomoneibü nouyangshou Tafat yakla ngabou): Dor kaophei khümbo

¹²Ahilud shou Baana: Taanak, Megiddo hoba Zarethan thena Bethshan khümbo. Kho Jezreel phanga khei Jokmeam peiko Beth Shan ka Abel Mehola to onkobü sangnyu shuong

¹³Ben-Geber: Gileada Ramoth sangnyu, (hoba Manasse thensilen, Gileada Jair chungeibü sang shuong, hoba Bashana Argob kaophei, khei phasei kümthang si chinam lengbü bakhün yoan sangnyu yaangbü saosem)

¹⁴Iddo shou Abinadab: Mahanaim kaophei

¹⁵Ahimaaz (Solomoneibü nouyangshou Basemath yakla ngabou): Naftali kaophei.

¹⁶Hushai shou Baana: Ashera kaophei si Bealoth sangnyu

¹⁷Parua shou Jehoshafat: Issakhar kaophei

¹⁸Ela shou Shimei: Benjamin kaophei

¹⁹Uri shou Geber: Amor Choba Sihon si Bashan Choba Ogei songdakbü Gilead kaophei. Khübü anthüknyi to liman, kaonyu pendou thüka khünei governor che kikei.

²⁰Yungnyua phetsen tegü Jihuda si Israelbü tan yaangbü shauko yungko hoba olinko kikei.

²¹Hobaje Solomonei Filistia kaodak Eufrates Shumang ka Ijep leilang sühko sangle pendou thüka songdakkei. Haoenei jongsak juong sungbako Solomon langkei salang sünga khangenkei.

²²Chalou che shanga Solomoneibü shausiyung lamlebü kho wen maibü taksi khujin hoba nyak taksi saosem kikei.

²³Masu amenbü an, lamshautibü ka masu saoche hoba sanlon paang saongao, saak, meishi, yao hoba aupaang hemaibü.

²⁴Aieilausi Eufrates ka Tifsa, hoba Gaza sühko, hoba khoeibü yungnyu khatan Choba pendou thüka haoei songdakkei; hoba hao kaijembo kibü pendou hao to sangmaia kikei.

²⁵Hobaje Jihuda si Israel khümet angetan kikei; Dan ka Beersheba sühko müt pendou jembü semlüh si bhuklong phanga haangkei.

²⁶Hobaje Solomon haoeibü koli kailong shanga koli hajar lei kikei hoba koli sepai hajar anthüknyi kikei.

²⁷Hobaje kao- phei ikjaibü shuongei Solomon Choba shanga hoba Solomon Chobaeibü nyakshaushang to loubü shuong pendou shanga shausiyung lulu penbü lita kukei; haoenei aieikei shaleko aphoku.

²⁸Barli youshou si koli shuong shanga youho si wapyobü koli sobüsepbü haoenei ikjaibü shuong jungto mütpem weko la ikjai kubü thüng sungbakei.

²⁹Hobaje Mühghaüei Solomon la songsihon ditenbü hoba maangpon yaangbü yungnyu thüka phetsen tegü kukei.

³⁰Hobaje Solomoneibü songsihon chaang aenei kibü shousi shuong hoba Ijepbüeibü songsihon pendou tokei khaibou kikei.

³¹Hao müt pendou to songeihonei keibou kikei; Ezrahitbü Ethan, hoba Maholeibü shousi shuong Heman, Kalkol hoba Darda tokei songboudobou kikei; hoba kaonyek phang pendou thüka haoeibü nyen haangenan kikei.

³²Hobaje haoei tetenbü ngüh hajar sem laukei hoba haoeibü chia hajar che to ngao kikei.

³³Hobaje haoei bulong langkei shangabü Lebanona kibü cedar bulong ka khei, kümthanga yembü hisop sühko shangabü laukei; haoei meisiau shangabü, ausiyuk shangabü, lühsili, hoba ngao shangabü laukei.

³⁴Hobaje kaodak Choba shuong pendouei Solomoneibü songsihon shangabü ditkei hoba songbüdobü shuong hao ngüh ditla hautikei.