Read Chang Naga 1 LÜNGBÜDOBÜ 12 Bible Online

1 LÜNGBÜDOBÜ 12 - Chang Naga bible

1 LÜNGBÜDOBÜ 12

¹Tou Kisheibü shou Saul kibü haangjung Dawid hopatham apaienko kijinei Ziklag to Dawid jungto habü mütshuong loukei, hoba haoen kho wapyoa hao to thuibou hau yaangbü müt yo ka kikei.

²Haoen lau jungbü müt, hoba laujin si laangpem tetjin nanae maeae hamei jungenbü mütshuong, haoen Benjaminbü Sauleibü chempen kikei.

³Konglebou kho Ahiezer, kho phaia Joas, haosi ham kho Gibeaa Shemaeibü shousi shuong; tokei Azmaveteibü shousi shuong Jeziel hoba Pelet; Bereka, Anathotbü Jehu,

⁴Gibeonbü Ishmaia, müt khujin yoa hau yaangbü müt che, hoba khujin thüka leiyeibou, Jeremia, Jehaziel, Johanan, Gederatbü Josabad.

⁵Eluzai, Jerimot, Bealia, Shemaria, Harufbü, Shefatia;

⁶Elkana, Jesia, Azarel, Joezer, hoba Jashoboam, Korbü,

⁷hoba Gedor ka Jerohameibü shousi shuong Joela hoba Zebadia.

⁸Gadbü hau yaangbü hoba lakbühongbü aih si aubua sonenbü aoyoueibü thenyek molosaonyu tegü kikei, hoba aoyou shongha yao tegü sobüsepbü, haoeneibü lapheishon ka Dawid jungto yamlam to loukei.

⁹Konglebou kho Ezer, nyiboubü kho Obadia, semboubü Eliab,

¹⁰leiboubü Mishmanna, ngaoboubü Jeremia,

¹¹lakboubü Attai, nyetboubü Eliel,

¹²setboubü Johanan, güboubü Elzabed,

¹³anboubü Jeremia, anthükche boubü Makbannai.

¹⁴Habü Gadbü shousi shuong lakjaibü tan lajamleibü shuong kikei; phangkabou shuong kho saongao thüka hoba thükkabou shuong kho hajar thüka.

¹⁵Haoenei shaangbou lita Jordan yongko sopbo yungsen kouko kijinei, hoba yomanga kibü mütshuong chaang chanep to linkei.

¹⁶Hobaje Benjamin si Jihudabü mütshuong at Dawideibü lapheishon to loukei.

¹⁷Dawid haoen to haüyola angkei hoba haoen to laukei, “Kan kü to thangbou laman kü to thuila loukei yingalonga ngeibü maangpon kan to chela yeilabü; lausikei ngeibü ika amaibü akisi dogokei ngeibü dangbou shuong la ngo loshaula loukei yingalonga kheijineije seneibü pisibou Mühghaüei chühlabü hoba kan to hakshi.”

¹⁸Kheijinei khujin thüka leibou Amasai jungto Soushou loukei hoba haoei laukei, “Kün kaibü, O Dawid, hoba ka yoa kia, O Jesseeibü shou! Ka jungto sangmai, sangmai! hoba hao to thuibü shuong to sangmai! Aishanga kaibü Mühghaüei ka to thuida.” Kheijinei Dawidei haoen sungletkei hoba haoeibü sepai tan shuong thüka haoen leiyeibü yeitikei.

¹⁹Manassebü müt atkei Dawid Filistiabü yoa Saul khulimbo lason to loujinei apyoan Dawid jungto loukei. Khei yingasikei haoei haoen to athui, aieilausi Filistiabü bunyu shuongei sangkuan hao ngaitian apbei hoba laukei, “Sen leiyeibou thushed to atlabü lele haoei jembü bunyubou Saul jungto satan aplabü.

²⁰Hao Ziklag to haujinei Manassebü mütshuong habü ho hao jungto loukei: Adna, Jazabad, Jediael, Maikel, Jozabad, Elihu, hoba Zilthai; Manassea hajar thüka lajamleibü shuong.

²¹Hobaje sangshibü tan khulimbo haoenei Dawid to thuikei; aieilausi haoen pendou hau kibü maangkaangbü kikei, hoba sepai tan yoa lajamleibü shuong kikei.

²²Aishanga chalou angboua Dawid jungto mütshuong sepai tan yaangbü che, Mühghaüeibü sepai tan tegü ayei shongko loudang lekei.

²³BUNYUBOUeibü ngüh tegü Dawid la Sauleibü sangle kula shanga Hebrona Dawid jungto loubü shuong wapyola shanga lamlean kibü konglebü shuong habü ho ki.

²⁴Jihudaeibü shousi shuong aih si aubu jungbü hajar lakto saongao set lamlean kikei.

²⁵Simeoneibü shousi shuong hau yaangbü müt kaangbü sekbü wapyola shanga hajar nyetto saongao.

²⁶Levibü shousi shuong hajar leito saongao lak.

²⁷Hobaje Aron chemdang ka, Jehoiada kho leiyeibou kikei, hoba hao yoa hajar semto saongao nyet kikei.

²⁸Zadok heshou che maangkaangbü hau yaangbü haoen chempen ka lajamleibou müt saoto nyi.

²⁹Benjaminbü Sauleibü chempen hajar sem, aoyou yoa juongbouei khün sühko Saul chung yoa yojung loukei.

³⁰Efraimbü hajar saoche to saongao set, hau yaangbü maangkaangbü mütshuong haoen chem- pen yoa nyenshen mütshuong.

³¹Manasse chemdang jamde ka hajar anthük set, aoyou louan Dawid Choba yeitila nyen shenan kikei.

³²Issakar mütshuong, aoyouei jihsiphai shanga ditenbü hoba Israelei ai kümla jankei kho ngekei; haoeneibü konglebü saoan hoba haoeneibü thenbou pendou haoeneibü ngühkhüm phanga kikei.

³³Zebulun ka shanenbü labou to shuokbü tan hajar anjinsem Dawid to thuila shanga nyekchüh cheei lason shanga wapyobü in si aubu penkosouko lamlebü kikei.

³⁴Naftali ka lajamleibü hajar che, haoen yoa müt hajar khujinto nyet aih si aubu jungan.

³⁵Danbü ka müt hajar saoto set saongao lak lason shanga lamlekei.

³⁶Asher ka lason shanga lamlebü sonenbü lakoubü tan hajar saonyi,

³⁷Reubenbü, Gadbü, hoba Jordan danjung hauan kibü Manasse phang jamde ka wapyobü in si aubu penkosouko jungan müt hajar saongaoto saoche.

³⁸Habü pendou lakoubü shu- ong, lason hele lepde lean, Israel pendou thüka Dawid Choba yeitila maang angenan Hebron to loukei; kho tegü ong joubü Israelbü pendou Dawid Choba yeitila maangpon che kikei.

³⁹Hobaje khünei haoen Dawid yoa chalou sem shauko yungko kikei, aieilausi haoeneibü jaisinasi shuong haoen shanga lamlekuan kikei.

⁴⁰Hobaje tokei haoeneibü chempen khei Issakar, Zebulun, hoba Naftali sühko kakei gadua, uta, hoba masua, shausiyung apsileko bhukeibü wentek, semlüh hek, ih, onang, masu hoba sanlon sungbakei; aieilausi Israela olinbü kikei.