Read Chang Naga 1 LÜNGBÜDOBÜ 13 Bible Online

1 LÜNGBÜDOBÜ 13 - Chang Naga bible

1 LÜNGBÜDOBÜ 13

¹Dawidei hajar thüka hoba saongao thüka lajamleibü to khei leiyeibü weko to ditshuokyokei.

²Hobaje Israelbü kamshaibü pendou to Dawidei laukei, “Ho kan la maikualonga hoba BUNYUBOU seneibü Mühghaüei maangangbü yingalonga Israel kaodak pendoua kibü seneibü jaisinasi shuong hoba haoen yoa ungshedbou hoba Levibü lamshaushang kao kibü shuong jungto haoen liko senjung loulabü lele pendou aeto,

³hoba senei seneibü Mühghaü saopobü Busen sen jungto sungbakho; aieilausi Saul haanga senei kho inletkei.”

⁴Hobaje leiyeibü pendouei kho tegü kümla maangangkei, aieilausi müt pendou thedanga kümsilei kho tükde ong kikei.

⁵Hibü Kiriath-Jearim ka Mühghaüeibü Busen sungbala shanga Dawidei Israelbü pendou Ijepa Shihor ka Hamat lamnyu sühko yoshaitikei.

⁶Dawid hoba Israelbü pendou Baala, kho Jihudabüeibü Kiriath-Jearim to Mühghaüei Saopobü Busen jungan angla laobou kaakyembü kherabim thükaenei setan kibü BUNYUBOU nyena ngaan ki kho to angkei.

⁷Hobaje haoenei Mühghaüeibü Busen kho kailong haanbü chenei Abinadabeibü chem ka künkei, hoba Uzza si Ahio haosiei kailong kho leiyeikei.

⁸Dawid hoba Israelbü pendouei chiaei kongkin hoba tokbü kongkin, sen, hoba pithung hoba teklaangei lemlemyoko kikei.

⁹Hobaje ladang haoen Khidona amshang shon sühjung loukei, Uzzaei Busen kho hatetla haoeibü ik shingkei, aishanga masu shuong kho phaiyetkei.

¹⁰Hobaje BUNYUBOU khauangbü Uzza khulimbo longkei hoba haoei hao to ngümbei, aieilausi haoei Busen to haoeibü ik shingkei, hoba hao khünei Mühghaü thedanga haikei.

¹¹Hobaje Dawid khauangkei aieilausi BUNYUBOUei Uzza thükto khauang longkei; hoba tat sühko kho kaoen to Perezuzza dogo lauda.

¹²Hobaje khünyet Dawid Mühghaü to hatkei hoba laukei, “Ngei Mühghaüeibü Busen kho lai küman kü jungto künbangaila?”

¹³Hibü Dawidei Saopobü Busen kho chem to jungan Dawid sangnyu to üt, lausikei kukan Gitbü Obededom chemto jungan haukei.

¹⁴Hobaje Mühghaüeibü Busen kho Obededomeibü chemdang yoa haoeibü chema lit sem kikei; hoba BUNYUBOUei Obededom chemdang hoba haoei kibü pendou haükukei.