Read Chang Naga 1 LÜNGBÜDOBÜ 14 Bible Online

1 LÜNGBÜDOBÜ 14 - Chang Naga bible

1 LÜNGBÜDOBÜ 14

¹Tou Tairbü Choba Hiramei Dawid jungto ngühlang künbü shuong, hoba hao shanga chem dangla shanga cedar bu, laang hoba bueibü mistri shuong hautikei.

²Hobaje Dawidei Israel thüka hao Choba lela BUNYUBOUei kümbei, hoba haoeibü sangle jembü mütli Israelbü shanga hangenko tonenkei dogo maang- pona ngekei.

³Hobaje Jerusalema Dawidei yak aei ngakei, hoba Dawid ka bousu yaksa shousi aei pakkei.

⁴Jerusalema kibü haoeibü shousi shuong nyen ho ki: Shammua, Shobab, Nathan, Solomon,

⁵Ibher, Elishua, hoba Elpalet,

⁶Noga, Nefeg, hoba Jafia,

⁷Elishama, Beeliada, hoba Elifelet.

⁸Ladang Filistiabüei Israelbü pendou thüka Dawid Choba pienkei dogo ditkei, Filistiabü pendouei Dawid lamjung angkei, hoba Dawidei kho ditkei hoba haoen khulimbo haukei.

⁹Tou Filistiabü loukei, hoba Refaim pholi shian apbei.

¹⁰Hobaje Dawidei Mühghaü to phekei, “Ngo Filistiabü khulimbo angkho no? Nyi haoen kü ikto kuasao?” Hobaje BUNYUBOUei hao to laukei, “Angashi, hoba ngei hao kaibü ik to kulabü.”

¹¹Hobaje hao Baal- perazimi to angkei, hoba Dawidei haoen khünei thükkei, hoba Dawidei laukei, “Deinyu yungsen jonlepbü tegü ngeibü ikei Mühghaüei ngeibü dangbou shuong tuyetkua.” Hibü ho kaonyek nyen Baal-perazim nyenkei.

¹²Hobaje haoenei khünei haoeneibü mühghaü shuong apyokei, hoba Dawidei khübü kho jikan apla ngühkhüm kukei.

¹³Hobaje Filistiabüei tokei nyibou pholi khünei kho shian apbei.

¹⁴Hobaje ladang Dawidei Mühghaü to nyibou phekei, Mühghaüei hao to laukei, “No haoen phaito üanglabü; lausikei koman sungshi, hoba balsam bulong shuong napheito haoen thedang to kai.

¹⁵Hobaje ladang nyi sepai paibü ngühlang bukhua ditlaje, kheijinei lason to haushi, aishanga Mühghaü kan thedang to Filistiabü haitila hauakei.”

¹⁶Hobaje Dawidei Mühghaüei hao la sakkubü tegü kümbei, hoba haoenei Filistiabü sepai tan kho Gibeon ka Gezer sühko wapbei.

¹⁷Hobaje Dawideibü nyenhang kaonyu pendou phambo haukei, hoba BUNYUBOUei phang pendou la hao to hattikei.