Read Chang Naga 1 LÜNGBÜDOBÜ 23 Bible Online

1 LÜNGBÜDOBÜ 23 - Chang Naga bible

1 LÜNGBÜDOBÜ 23

¹Ladang Dawid baushi sinan kikei, haoei hao shou Solomon Israelbü thüka Choba yeitikei.

²Dawidei Israelbü leiyeibü hoba ungshedbü hoba Levibü pendou kamshaitikei.

³Levibü po khujin hoba thükaenei wean chühkei, hoba lühbak pendou müt hajar khujinto set kikei.

⁴Khübü yoa hajar saoto lei je BUNYUBOUeibü chema kümsileia ikjai lela, hajar lak songdakbü hoba matjembü yingla,

⁵hajar lei bakhün lombü, hoba hajar leiei ngei kümbü kongkin shuong yoa BUNYUBOU la nyensang kulabü dogo Dawidei laukei.

⁶Hobaje Levibü shousi shuong takteian Dawidei haoen janyinbü longtila Gershon, Kohat hoba Merari.

⁷Gershoneibü shousi shuong kho Ladan hoba Shimei.

⁸Ladaneibü shousi shuong: Jehiel kongnyubou, Zetham, hoba Joel, haoen sem.

⁹Shimeieibü shousi shuong: Shelomoth, Haziel, hoba Haran, haoen sem. Habü ho Ladaneibü boueibü shisi shousi kongnyu shuong kikei.

¹⁰Hobaje Shimeieibü shousi shuong: Ja- hat, Zina, Jeush, hoba Beria. Habü lei ho Shimeieibü shousi kikei.

¹¹Jahat kho kongnyubou kikei, hoba Ziza nyiboubü; lausikei Jeush hoba Beriaeibü shousi juong akitei, khoei haoen bou cheeibü tegü ong wean jinkei.

¹²Kohateibü shousi shuong: Amran, Izhar, Hebron, hoba Uziel, haoen lei.

¹³Amram shousi shuong: Aron si Mosa. BUNYUBOU thedanga ponpen shanga jen juokla, hao to khangenla hoba ponpen haoeibü nyena haülabü kula shanga saopotham Aron naangenko pienan phokei.

¹⁴Lausikei Mühghaüeibü müt Mosaeibü shousi shuongje, Levi phang yoa pakan jinkei.

¹⁵Mosaeibü shousi shuong: Gershom si Eliezer.

¹⁶Gershomeibü shousi shuong: Shebuel kongnyubou.

¹⁷Eliezereibü shousi shuong: Rehabia, konglebou; Eliezereibü shousi lubü akitei; lausikei Rehabiaeibü shousi shuong aeibou juongan kikei.

¹⁸Izhareibü shousi shuong: Shelomit, kongnyubou.

¹⁹Hebroneibü shousi shuong: Jeria konglebou, Amaria, kho thenbou, Jahaziel semboubü hoba Jekameam leiboubü.

²⁰Uzzieleibü shousi shuong: Mika konglebou hoba Ishia kho thenbou.

²¹Merarieibü shousi shuong: Mahli hoba Mushi. Mahlieibü shousi shuong: Eleazer hoba Kish,

²²Eleazerei shousi akiko haikei, lausikei yaksa shousi shuong ong kikei, hoba haoeneibü thensilen Kisheibü shousi shu- ongei haoen lekei.

²³Mushieibü shousi shuong: Mahli, Eder, hoba Jeremot haoen sem.

²⁴Habü ho boueibü shi aedang ka Levi shousi shuong kikei: boueibü shisi kongnyu shuong haoen, po saoche jaishou ka thükaenei lulueibü nyen dobü BUNYUBOUeibü chemeibü kümsilei shanga haoenei kümlabü kikei.

²⁵Aishanga Dawidei laukei, “BUNYUBOU, Israel Mühghaüei jembü mütli la sangmai kukei, hoba hao Jerusalema ponpen shanga kida.

²⁶Hobaje touje Levibü lemshang neichem ayingsi khünei peisilei khangenbü ai kümsilei shangakei jungan apailabü.”

²⁷Aishanga Dawideibü thonbü ngühei habü ho po saoche hoba thükae lühbaka kikei.

²⁸Aishanga haoeneibü kümsilei kho Aroneibü shousi shuong BUNYUBOUeibü chema kümsilei shanga thuila chemsophang si shemjang shuong jemlasanglabü, hoba ai saopobü pendou kho hoba Mühghaüeibü chema khangenbü kümsilei shanga saklasamlabü;

²⁹tokei Mühghaü thedanga phobü wentek, shausiyung lembü shanga wen on, tokai ajinbü wentek, ayingsi wentek kümbü lembü onang to kheiyobü lembü, hoba takletbü hoba takbü pendoua thuiyolabü.

³⁰Hobaje ngeyang weko haoenei BUNYUBOU la olinbü hoba nyensang kuko hoba nangnakkei khei kilabü.

³¹Hobaje ladang ong juokbü lembü shuong Nounyet BUNYUBOU la kulaje litsak, hoba lem chaloua BUNYUBOU thedanga athakko haoenei ong song ngühkhüm tegütham kümbo kikei.

³²Kho tegü haoenei kamshang neichem hoba saoposhang chühlabü, hoba BUNYUBOUeibü chema kümsilei shanga hoba haoeneibü jaisina Aroneibü shousi shuong to thuilabü.