Read Chang Naga 1 LÜNGBÜDOBÜ 26 Bible Online

1 LÜNGBÜDOBÜ 26 - Chang Naga bible

1 LÜNGBÜDOBÜ 26

¹Bakhün lombü shuong janbü hai: Korabü ka Asafeibü shousi shuong yo ka Koraeibü shou Meshelmia.

²Meshilmiaeibü shousi shuong: shaangbou Zekharia nyiboubü kho Jediael, semboubü kho Zebadia, leiboubü kho Jethniel,

³ngaoboubü kho Elam, lakboubü Jehohanan, nyetboubü Elieoenai.

⁴Hobaje Obededomeibü shousi shuong kikei: Shaang bukbü Shemaia, nyiboubü Jehozabad, semboubü Joa, leiboubü Sakar, ngaoboubü Nathaniel,

⁵lakboubü Ammiel, nyetboubü Issakhar, setboubü Peullethai; aieilausi Mühghaüei hao haükukei.

⁶Tokei haoeibü shou Shemaia la shousi shuong bukkukei, aoyou boueibü chemdang shuonga songdakbü shuong kikei, aieilausi haoen to thükbü jongsak yaang kikei.

⁷Shemaiaeibü shousi shuong: Othni, Refael, Obed hoba Elzabad, aoyou jaisinasi shuong thükbüminbü mütshuong kikei. Elihu hoba Semakia.

⁸Habü pendou Obededomeibü shousi shuong, haoeneibü shousi shuong hoba jaisinasi shuong kümsilei shanga minbüngebü Obededom ka saosemto nyi.

⁹Meshelemiaei shousi shuong hoba jaisinasi shuong kikei. Shetenbü müt anthükset kikei.

¹⁰Hobaje Merarieibü shousi shuong yoka Hosaeibü shousi shuong kikei, konglebou Shemri (aieilausi hao shangabü shou ayingsi dogokei bouei hao konglebou yeitikei),

¹¹nyiboubü Hilkia, semboubü Tebalia, leiboubü Zekharia: haoeibü shou hoba jaisina pendouei anthüksem.

¹²Habü ho bakhün lombü shuong janyinbü, hoba haoen kongnyu mütshuongei kümlabü kümsilei shuong, khei haoeneibü jaisinasi shuongei kümbü tegü BUNYUBOUeibü chema khangenko kikei.

¹³Hobaje haoeneibü boueibü shisi hanbü yangbü, jeteitei, bakhün weko shanga phaang pakkei.

¹⁴Chaangbou shanga phaang Shemaia to shatkei. Haoenei tokei haoeneibü shou Zekharia maangli maangsang songsido maibü kubou che shanga phaang pakkei, hoba haoeibü phejan chanep phei shanga longkei.

¹⁵Chaangbou phei shanga Obededom longkei, hoba haoeibü shousi shuong la thanshang chem janletkukei.

¹⁶Shupim si Hosa chanep shanga longkei, Shaleket bakhüna lamnyu angshanga lombouei lombü to ditshuokyoko kikei.

¹⁷Chaangbou aenei chalou angboua lakbang chanep pheia chalou angboua leibang chaangbou pheia chalou angboua leibang hoba thanshang chemakei nyibang kikei.

¹⁸Chanep aenei Parbar shanga lama lei, hoba Parbara nyi.

¹⁹Habü ho Korabü hoba Merarieibü shousi yoa bakhün lombü shuong janyinbü kikei.

²⁰Hobaje Levibü ka, Ahijaei Mühghaüeibü chem thanshang hoba khümbo kubü peisilei shuong thüka ikjai kikei.

²¹Ladaneibü shousi shuong: Gershonbü Ladaneibü shousi shuong, Gershonbü Ladaneibü boueibü shisi shuong: Jehieli.

²²Jehielieibü shousi shuong: Zetham hoba haoeibü na Joel, BUNYUBOUeibü chem thanshanga ikjai kikei.

²³Amrambü, Izharbü, Hebronbü, hoba Uzzielbü.

²⁴Hobaje Mosaeibü shou Gershomeibü shou Shebuel thanshanga ikjaibü kongnyubou kikei.

²⁵Haoeibü jaisinasi shuong: Eliezer ka haoeibü shou Rehabia, hao shou Jeshaia, hao shou Joram, hao shou Zikri hoba hao shou Shelomoth.

²⁶Ho Shelomoth hoba haoeibü jaisinasi shuong kho khümbo kubü jongsak shuong laobou Dawid Chobaei hoba boueibü shousi shuongei hoba hajar si saongao thüka leiyeibü shuong, sepai tan leiyeibü shuong khümbo kubü thanshang pendou thüka ik jaiko kikei.

²⁷Wapyoa soletbü ka haoenei BUNYUBOUeibü chema khambü shanga khümbo kukei.

²⁸Tokei ungshedbou Samuelei, Kisheibü shou Saulei, Nereibü shou Abnerei hoba Zeruiaeibü shou Joabei khümbo kubü peisilei pendou Shelomet hoba haoeibü jaisinasi shuongei chühkei.

²⁹Izharbü ka Kanania hoba haoeibü shousi shuongje Israelbü lubü kümsilei shanga leiyeibü shuong hoba matjembü shuong pienkei.

³⁰Hebronbü ka, Hashabia hoba haoeibü jaisinasi shuong hajar cheto saongao nyet lanthükbü mütshuong kho Jordan chanep ae BUNYUBOUeibü kümsilei pendou shanga hoba Chobaeibü kümsilei khangenla shanga Israelbüei chühlabü kikei.

³¹Hebronbü ka Jerija kho Hebronbü boueibü shisi thensilen ka kongnyubou kikei. Dawidei songdakbü po saonyi boubüa lamyosi haoen yoa hau yaangbü thükbüminbü mütshuong Gileada Jazer hapbei.

³²Hobaje haoeibü jaisinasi shuong hauki yaangkibü mütshuong hajar nyito saongao nyet boueibü shisi kongnyu shuong kho Dawidei haoen Reubenbü si Gadbü hoba Manasse phang jamde thüka Mühghaü shanga hoba Chobaeibü kümsilei shanga bunyu yeitikei.