Read Chang Naga 1 LÜNGBÜDOBÜ 27 Bible Online

1 LÜNGBÜDOBÜ 27 - Chang Naga bible

1 LÜNGBÜDOBÜ 27

¹Tou Israelbü shousi shuong haoeneibü lühbak bou khushen shuong hoba hajar hoba saongao thüka lajamleibü shuong, lit weko po sünga janbüa loubü si satbü jannyinbü wekoa hajar saoto lei kikei.

²Shaangbou lita shaangbou jannyinbü thüka Zabdieleibü shou Jashobeam bunyu kikei; haoeibü janbü hajar saotolei kikei.

³Hao Perez ka pakbü hoba shaangbou lit shanga sepai tan pendou thüka lajamleibou kongnyubou kikei.

⁴Nyibou lita Ahobü Dodai jannyinbü thük khünei bunyu kikei, haoeibüa hajar saoto lei kikei, kho jiha Mukloth hao thenkabü leibou kikei.

⁵Semboubü lajamleibou semboubü lit shanga Jehoiada ungshedbüeibü shou Benaia kongnyubou kikei; haoeibü janbüa hajar saoto lei kikei.

⁶Ho Benaia ho khujin yoa lakjaibou che hoba khujin thüka leiyeibou; haoeibü shou Ammizabad haoeibü janbüa bunyu kikei.

⁷Leiboubü lajamleibou Joabeibü na Asahel kikei, leiboubü lit shanga hoba haoeibü shou Zebadia hao phainei kikei; haoeibü janbü hajar saoto lei kikei.

⁸Lit ngaoboubü shanga ngaoboubü lajamleibou kho Izrabü Shamhut kikei; haoeibü janbüa hajar saoto lei kikei.

⁹Lakboubü lit shanga lakboubü lajamleibou kho Ira kikei. Tekoabü Ikkeseibü shou, haoeibü janbüa hajar saoto lei kikei.

¹⁰Lit nyetboubü shanga nyetboubü lajamleibou kho Pelonbü Helez, Efraimeibü shousi shuong; haoeibü jannyinbüa hajar saotolei kikei.

¹¹Setboubü lit shanga setboubü lajamleibou kho Zera ka Hushatbü Shibbekai haoeibü janbüa hajar saoto lei kikei.

¹²Lit güboubü shanga güboubü kho Benjamin ka Anathotbü Abiezer, haoeibü janbüa hajar saoto lei kikei.

¹³Anboubü lit shanga anboubü kho Zera ka Netofatbü Maharai, haoeibü janbüa hajar saoto lei kikei.

¹⁴Anthük cheboubü lit shanga anthük cheboubü Efraimeibü shousi shuong ka Pirathonbü Benaia, haoeibü janbüa hajar saoto lei kikei.

¹⁵Anthük nyiboubü lit shanga anthüknyiboubü Othniel ka Netofatbü Heldai, haoeibü janbüa hajar saotolei kikei

¹⁶Israelbü phang shuong thüka Reubenbü shanga Zikrieibü shou yoka Eliezer kongnyubou kikei; Simeonbü shanga Maakaeibü shou Shefatia;

¹⁷Levibü shanga Kemueleibú shou Hashabia, Aron shanga Zadok

¹⁸Jihuda shanga Elihu Dawideibü jaisina yoka Issakar shanga Mikaeleibü shou Omri:

¹⁹Zebulun shanga Obadiaeibü shou Ishmaia; Naftali shanga Azrieleibü shou Jeremot:

²⁰Efraimbü shanga Azaziaeibü shou Hoshea, Manasse phang jamde shanga Pedaiaeibü shou Joel.

²¹Gileada Manasse phang jamde shanga Zekhariaeibü shou Iddo; Benjamin shanga Abnereibü shou Jaasiel.

²²Dan shanga Jerohameibü shou Azarel, habü ho Israelbü phang leiyeibü shuong kikei.

²³Po, saoche phangaeje Da- widei awe, aieilausi müha khanshoulitshou lajuche ki, khüjoche kho Israelbü yeitila BUNYUBOUei thekukei.

²⁴Zeruiaeibü shou Joabei wean chühla khangkei, lausikei awanti; hoba kho phaiaje Israelbü thük to kho shanga maangshat loukei, hoba lühbak kho Dawid Chobaeibü lüngbüdobüa ado.

²⁵Chobaeibü thanshang thüka Adieleibü shou Azmavel kikei; hoba khongthua thanshang, sangnyu shuonga hoba sanga hoba lapheishon maanga Uzzieleibü shou Jonathan kikei.

²⁶Hobaje kao shapbo sekmoubü shuong thüka Kelubeibü shou Ezri kikei;

²⁷Hobaje semlüh laak thüka Ramatbü Shimei kikei; hoba semlüh laak ka longbü semlüh dei phoshang thüka Shifmibü Zabdi.

²⁸Shefelaa oliv si bhuklong shuong thüka Gederbü Baalhanan hoba onang thanshang thüka Joas.

²⁹Sharona lamshaushang sanlon shuong thüka Sharonbü Shitrai; yomanga sanlon tan thüka Adlaieibü shou Shafat.

³⁰Ut thüka Ishmaelbü Obil, hoba gadu nyunyu shuong shanga Meronotbü Jehdeia, Masu tan tan shanga Hagribü Jaziz.

³¹Habü pendou Dawid Chobaeibü nyaksinam thüka ikjaibü shuong kikei.

³²Dawideibü bou nashoubou Jonathan ditenbü müt che hoba dobou che, songsido maibü kubou che kikei. Hao hoba Hakmonieibü shou Jehielei Chobaeibü shousi shuong to chühkei.

³³Choba la songsido maibü kubü kho Ahithofel kikei, hoba Arkitbü Hushai Chobaeibü thangbou kikei.

³⁴Ahithofel kho Benaiaeibü shou Jehoiadaei jeikei, hoba Abiathar Chobaeibü sepai tan thüka Joab kho laakjaibou kikei.