Read Chang Naga 1 LÜNGBÜDOBÜ 5 Bible Online

1 LÜNGBÜDOBÜ 5 - Chang Naga bible

1 LÜNGBÜDOBÜ 5

¹Israeleibü shou jaishoubou Reubeneibü shousi shuong: (aieilausi hao jaishoubou kikei, lausikei haoei haoboueibü chemkan yepshang totnyinkusije haoeibü jaishou phejan Israeleibü shou Josefeibü shousi shuong la kuan apbei, hibü jaishou phejan tegü hao pithen ngühlia ado.

²Jihuda haoeibü jaisina yoa hau kiko yeisikei hoba hao ka leiyeibü longasikei jaishou phejanje Josef shangabü yeikei).

³Israeleibü shou jaishoubou Reubeneibü shousi shuong: Hanok, Pallu, Hazron, hoba Karmi.

⁴Joeleibü shousi shuong: hao shou Shemaia, hao shou Gog, hao shou Shimei,

⁵hao shou Mika, hao shou Reaia, hao shou Baal,

⁶hao shou Bera, ao Assiriabü Choba Tiglath Pileserei laplangkei; Reubenbü yoa hao leiyeibou kikei.

⁷Hobaje haoeibü jaisinasi shuong haoen chempen, haoen mütli pithen ngühli pakyobü kongnyubou kho Jeiel, hoba Zekharia

⁸hoba Joel chung kabü Shemaeibü shi hoba Azazeibü shou Bela. Haoen Aroer kaoen ka Nebo sühko hoba Baal Meon sühko hauan kikei.

⁹Tokei hao chaangbou ae Eufrates shumang ka yam aeto atshang sühko kikei, aieilausi haoeneibü shatsinam shuong Gilead kaodaka haakei.

¹⁰Hobaje Saul haanga haoenei Hagarbü to wapyokei, aoyou haoeneibü ikmang to atkei, hoba Gilead chaang aephai pendou haoeneibü neichema haoen kikei.

¹¹Gadeibü shousi shuong haoen thedanga Bashan kaodaka Salka sühko hauan kikei.

¹²Konglebou Joel, nyiboubü Sha- fan, Janai, hoba Bashana Shafat.

¹³Hobaje haoeneibü bousi shuong ka pakbü shuong: Maikel, Meshullam, Sheba, Jorai, Jokan, Zia, hoba Eber, haoen nyet.

¹⁴Habü ho Hurieibü shousi; Abihail, shousi shuong kikei, Jaroaeibü shou, Gileadeibü shou, Maikeleibü shou, Jeshishaieibü shou, Jadoeibü shou, Buzeibü shou,

¹⁵Abdieleibü shou, Ahi, Gunieibü shou, haoeneibü bou ka pakbü kongnyubou,

¹⁶hoba haoen Bashana Gilaeda hoba kho sangnyu shuonga hoba Sharon lamshaushang kaonyek pendoua haoeneibü leilang sühko kikei.

¹⁷Jihuda Choba Jotham haanga Israel Choba Jeroboam haanga habü pendou pithen ngühli doan phokei.

¹⁸Reubenbü, Gadbü, hoba Manasse chung jamde, maangkangbü mütshuong aih si in jungla thükbü mütshuong, hoba laujinei kipla thükbü hoba wapyoa libünyenbü, haoen hajar saonyito lei saongao nyetto saosem wapyola haula thükbü shuong kikei.

¹⁹Haoenei Hagar, Jetur, Nafish, hoba Nodabbü khulimbo wapyokei.

²⁰Hobaje ladang haoen khulimbo haoenei thuibü hapbei, Hagarbü hoba haoen yoa kibü pendou haoeneibü ikto kukei, aieilausi lasona haoenei Mühghaü to ngekkei, hoba haoenei subüjabü haoei kukei, aishanga haoenei hao to maanglem kikei.

²¹Haoeneibü samkeisamuk, haoenei sunglangkei; haoeneibü ut hajar anjinsem, sanlon hajar saoanto anjinsem, gadu hajar nyi hoba müt langkei hajar saongao.

²²Aishanga juong haitikei aieilausi wapyo kho Mühghaü ka kikei. Hobaje haoen alaplang shongko haoen kishanga kikei.

²³Manassebü mütshuong jamde kho kaonyeka kikei; haoen Bashan ka Baal Hermon, Senir, hoba Hermon shongh sühko haakei.

²⁴Habü ho haoeneibü bousi shuong ka pakbü kongnyu shuong kikei; Efer, Ishi, Elid, Azrid, Jeremia, Hodavia, hoba Jahdid hau yaangbü laakbü- hongbü shuong kikei.

²⁵Lausikei haoenei bousi shuongeibü Mühghaü khulimbo ngühkhüm lulimkei hoba Mühghaü haoen thedanga mautibü kaonyeka kibü mühghaü shuong phaito pejapelako satan apbei.

²⁶Hibü Israel Mühghaüei Assiriabü Choba Puleibü hoba Assiriabü Choba Tiglath Pilesereibü soushou phonenkukei, hoba haoei haoen sungkei, khei Reubenbü, Gadbü, Manasse phang jamde, hoba Hala, Habor, Hara si Gozan shumang to leijung hauan tat sühko kitiakei.