Read Chang Naga 1 LÜNGBÜDOBÜ 9 Bible Online

1 LÜNGBÜDOBÜ 9 - Chang Naga bible

1 LÜNGBÜDOBÜ 9

¹Hibü Israelbü pendou pakthen doan kikei; hoba chüh- ashi habü ho Israelbü choba shuong le a doan kia. Hobaje Jihudabüei shed shonbü hangshong haoen Babilon to laplangkei.

²Tou haoeneibü sangnyu shuonga haoen shangabüa shaangla kibü shuong kho Israelbü ungshedbou shuong, Levibü hoba lembüchema kümbüleibü shuong kikei.

³Hobaje Jerusalema Jihudabü shousi shuong, Benjamineibü shousi shuong, Efraim si Manasseeibü shousi shuong kikei.

⁴Ammihudeibü shou Uthai, Omrieibü shou, Banieibü shou, Jihudaeibü shou, Perezeibü shousi shuong,

⁵Shilonbü shaangbü shou Asaia, hoba haoeibü shousi shuong:

⁶Hobaje Zeraeibü shousi shuong; Jeuel hoba haoeibü jaisinasi shuong saongao lakto anjinngao.

⁷Hobaje Benjamineibü shousi shuong; Meshullameibü shou Sallu, Hadaviaeibü shou, Hassenuaeibü shou;

⁸hoba Jerohameibü shou Ibnea, Uzzieibü shou Ela, Mikrieibü shi, Shefatiaeibü shou Meshullam, Reueleibü shou, Ibnijaeibü shou.

⁹Hobaje haoeibü jaisinasi shu- ong haoen meten linei saongao gü to anjin semto lak. Habü müt pendou lulu chempen kongnyu shuong kikei.

¹⁰Ungshedbü shuong kho; Jedaia, Jehoarib hoba Jakin,

¹¹hoba Hilkia shou Azaria, Meshullameibü shou, Zadokeibü shou, Meraioteibü shou, Ahitubeibü shou, Mühghaüeibü chema songdakbou,

¹²Jeroboameibü shou Adaia, Pashureibü shou, Malkijaeibü shou, Adieleibü shou, Maasai, Jehzeraeibü shou, Meshullameibü shou, Immereibü shou,

¹³haoeneibü thenbou shuong to limbo haoen chempen kongnyu shuong, hajar cheto saongao nyetto saosem Mühghaüeibü chema khangenbü kümsilei shanga aeibou lanthükbü mütshuong.

¹⁴Levibü shuong; Hasshubeibü shou Shemaia, Azrikameibü shou, Hashabiaeibü shou, Merarieibü shousi shuong,

¹⁵hoba Bakbakkar, Heres, Galal, Mikaeibü shou Mathania, Zikrieibü shou hoba Asafeibü shou,

¹⁶Shemaiaeibü shou Obadia, Galaleibü shou, Jeduthuneibü shou, Asaeibü shou Berekia, Elkanaeibü shou kho Netofa sanga kibü shuong.

¹⁷Chem lombü shuong; Shallum, Akkub, Talmon, Ahiman, hoba haoeibü jaisinasi shuong; Shallum kongnyubou kikei;

¹⁸tou sühko chaangbou choba bakhüna ki, haoen Levi shousi shuong shaishang shanga khoukhün lombü shuong kikei.

¹⁹Hobaje Korieibü shou Shallum, Abiasafeibü shou Koraeibü shou hoba haoeibü jaisinasi shu- ong, haoeneibü chempen Korabü shuong lemshang neichema khangenbü hoba bakhün lombü shuong kümsilei thüka kikei, hoba haoeneibü shousi shuong koukhün lombü shuong BUNYUBOU kishang thüka kikei.

²⁰Hobaje Eleazareibü shou Finehas haoen thüka danbü jihsiphaia songdakbou kikei.

²¹Meshelemiaeibü shou Zekharia kambü neichem koukhün lombou kikei.

²²Habü pendou aoyou koukhüna lombou lela pienkei haoen saoanto anthüknyi kikei. Dawid si Samuel thuseibouei haoen jembü kümaleia pienan phokubü habü ho haoeneibü sangkhonga bakhün lühbaka kikei.

²³Hibü haoeneibü shousinasiei BUNYUBOUeibü chem koukhün hoba neichem shemjangkei chühkei.

²⁴Kaoen leia koukhün lombü shuong chaang, chanep, yungkük hoba yungthang aenei kikei.

²⁵Hobaje sangkhonga haoeneibü jaisinasi shuong chalou nyetbounyet weko jih jiha haoen yoa kila louko kikei,

²⁶aieilausi koukhün lombü kongnyu lei aoyou Levibü kikei, kümsilei takletbü chenei kikei, hoba Mühghaüeibü chema shemjang hoba thanshang thüka kikei.

²⁷Haoen Mühghaüeibü chem kaijembo kikei, aieilausi kho thüka haoen ikjai kikei, hoba ngeyang weko kho ipla haoeneibü phejan kikei.

²⁸Hobaje haoen at lemshang kabü chaksiam thüka ikjai kikei, aishanga khübü kho haoenei wean sungen hoba wean sungat dogo lekei.

²⁹Haoen atje chemkabü peisilei thüka saoposhang kabü chaksiam pendou thüka, wenon inyaibü thüka, onang, jen hoba shikmeimaibü thüka ikjai kikei.

³⁰Hobaje ungshedbou shousi atei shikmeimaibü shanga wen lamlekei.

³¹Hobaje Mattithia, Levibü yoa che, Korabü Shallumeibü shou jaishoubou kho wentek kümbü yoa ikjai kikei.

³²Tokei Kohatbü haoen thenbou at, Nounyet weko kho lamlela shanga Mühghaü thedanga phobü wentek thüka ikjai kikei.

³³Tou habü ho chia laubü Levibü chempen lin kongnyu shuong ki, lubü kümsilei ka bangan lembüchem shemjanga kida, aieilausi change nangnak haoen jembü kümsileia kikei.

³⁴Habü ho Jerusalema kida, leiyeibü shuong, Levibü chempen lin kongnyubou shuong kikei.

³⁵Gibeona Gibeoneibü bou Jeiel kikei, hoba yakeibü nyen Maaka kikei;

³⁶hoba haoeibü shou jaishoubou Abdon, kho phaia Zur, Kish, Baal, Ner, Nadab,

³⁷Gedor, Ahio, Zekharia hoba Miklot.

³⁸Miklot ka Shimeam pakkei. Hobaje haoenkei haoeneibü jaisinasi shuong thedanga haoeneibü jaisinasi yoa Jerusalema kikei.

³⁹Kisheibü bou Ner kikei, Sauleibü bou Kish. Saul ka Jonathan, Malkishua, Abinadab hoba Eshbaal pakkei.

⁴⁰Hobaje Jonathaneibü shou Meribaal hoba Meribaal kho Mikaeibü bou kikei.

⁴¹Mikaeibü shousi shuong; Pithon, Melek, Tahrea, hoba Ahaz.

⁴²Hobaje Jaraeibü bou Zimri kikei.

⁴³Bineaeibü bou Moza kikei hoba Bineaeibü shou Refaia, Eleasaeibü shou Azel.

⁴⁴Azeleibü shousi müt lak kikei, hoba ho haoeneibü nyen: Azrikam, Bokeru, Ishmael, Shea- ria, Obadia, hoba Hanan, habü ho Azeleibü shousi kikei.