Read Chang Naga 2 LÜNGBÜDOBÜ 19 Bible Online

2 LÜNGBÜDOBÜ 19 - Chang Naga bible

2 LÜNGBÜDOBÜ 19

¹Hobaje Jihudabü Choba Jehoshafat Jerusalema haoeibü chem to sangmaia ngaikei.

²Hobaje thuseibou Hananieibü shou Jehu hao shuokla haukei, hoba Jehoshafat Choba to laukei, “Nyi amaibü to thuilabü hoba BUNYUBOU to mangsenbü to ong sanoulep lo? Ho kümsilei shanga BUNYUBOU thedang ka ka thükto maangshat louakei.

³Khei yingasikei, ka to maibü at ngei hapakei, kho, nyi kaonyek ka Ashera apbua hoba Mühghaü lamla kaibü maangpon kuakei.”

⁴Hobaje Jehoshafat Jerusalema kikei; hoba haoei Beersheba ka shongh kaodak Efraim to nyibou mütshuong yoa haukei hoba haoen nyibou haoeneibü pisibou Mühghaü, BUNYUBOU jungto leian longeikei.

⁵Hobaje taklepan kibü Jihuda sangnyu kaonyek pendoua matjembü shuong phokei, sangnyu weko hoba matjembü shuong to laukei,

⁶“Kanei ai kümda damanchühashi; aishanga müt shanga aying, lausikei BUNYUBOU shanga kanei mat jemda; hoba hao kan yoa mat jembüa kia.

⁷Tou hibü BUNYUBOU to hatbü kan yoa kishi; maangsangashi hoba kümashi; aishanga seneibü Mühghaü to shed shonbü, ayingsi müt the chühbü ayingsi besa lebü ai aki.”

⁸Tokei Jehoshafatei Jerusalema Levibü hoba ungshedbou hoba Israelbü chung jaishou at BUNYUBOU shanga hoba lemenbüa janthetbü kula pienkei. Hobaje haoen Jerusalem to louan kikei.

⁹Hobaje haoei haoen la sakkuko laukei, “Haü, kanei maangpon pendouei maanglemenko, hoba BUNYUBOU to souhatbüa kümjan.

¹⁰Ladang ong kaneibü jaisinasi shuong haoeneibü sangnyua kibü shuong ka sii angbü shanga ngühkhüm ayingsi sakkubü shanga songle ngühkhüm ayingsi sakkubü shanga songle ngühkhüm ayingsi jaletbü ngühkhüm ayingsi takletbü ngühkhüm shanga kan jungto ngühsaknepbü loulaje, khei BUNYUBOU junga haoenei shed ashonla hoba kan thükto hoba haoen thükto maangshat aloula kanei haoen to maangsangla lenashi; ho kümashi hoba kanei shed ashonlabü.

¹¹Hobaje chühashi, BUNYUBOUeibü kümsilei pendoua kan thüka ungshedbou Amaria kia; hoba Ishmaeleibü shou Zebadia Jihudaeibü chung Chobaeibü kümsilei pendou thüka ikjai ki; hoba kan thedanga ikjaileko Levibüei khangenlabü, maangkaangko kümashi, hoba maibü shuong yoa BUNYUBOU kishima!”