Read Chang Naga 2 LÜNGBÜDOBÜ 3 Bible Online

2 LÜNGBÜDOBÜ 3 - Chang Naga bible

2 LÜNGBÜDOBÜ 3

¹Kheijinei Dawidei pienkubü Jebus hoba Araunaeibü amshanga Solomonei haobou Dawid jungto BUNYUBOU longshang Moria shongha BUNYUBOUeibü chem dangla khangkei.

²Haoei songdakbü po lei boubü lit nyi boubü chalou nyibou nyet haoei dangla khangkei.

³Mühghaüeibü chem dangla shanga habü ho Solomoneibü takbüsanbü ki. Tousüng shangied takbü iknop saosem hoba photak iknop saoche.

⁴Hobaje chemkoudei chemsophang kho süng aenei khaang hima iknop saoche hoba khoeibü khusung kho iknop saongaoto saoche, maang aenei haoei hon lanbüei naanglepan dangkei.

⁵Hobaje chem yaangbou kho haoei fir buei lin küman dangkei, laobou haoei hon lansanei naanglepan dangkei hoba kho thüka ekyang hoba chikhap kümbei.

⁶He maitila shanga haoei chem kho namseklaangei jantikei, hoba hon kho Parvaim hon kikei.

⁷Haoei tokei chem kho pangkhüm sangchimang khoeibü toulang shuong, hoba khoeibü koukap shuong honei naanglepan dangkei hoba kümthang shuonga kaakyembü kherabim kümbei.

⁸Hobaje haoei pendou to saopobou chem dangkei, hoba kho tousüng kho chem khaang hima iknop saoche kümbei, hoba haoei kho honeibü leiphe seret khujin bang atbü saongao lak sühkoei naanglepan kümbei.

⁹Hobaje kojal takbü kho hon shekel anjinsem kikei. Hobaje haoei shemjang thükkabou kho hon jinan kümbü kikei.

¹⁰Hobaje saopobou chem khonei haoei kaakyembü kherabim noksa penyi kümbei; hoba haoei khübü kho hon jinan kümbei.

¹¹Hobaje kaakyembü kherabim kaak shuong kho iknop saoche loubü kikei, kherab cheeibü kaak kho iknop ngao chemeibü kümthang sühko kikei, hoba kaak che khokei iknop ngao kherab che khoeibü kaak sühko kikei.

¹²Hobaje kherab cheeibü kaak kho iknop ngao chem kümthang kho sühko hoba lubü kaak khokei iknop ngao lubü lembüchem to meiouko kikei.

¹³Khübü kaak- yembü kherabim kaak shuong kho haoen lolo iknop saoche pinan kikei, hoba haoen lulueibü youei lokei hoba haoeneibü thenyek chemnyu ae yeian kikei.

¹⁴Hobaje haoei thangtet nei kho nakthüngbü laü hoba siieibü laü hoba inyaibü hoba kho thüka kaakyembü kherabim kümbei.

¹⁵Tokei haoei chemeibü koudeia thaonyu penyi iknop khujinto ngao suokan kümbei, hoba thükaenei jinshang kümbü kho che chenei iknop ngao bang.

¹⁶Hobaje thaonyu sembung khünei haoei nameibü chisük yak tegü yakkukei, hoba haoei chilang chipen saongao kümbei, hoba khübü kho chisüka yotikei.

¹⁷Hobaje haoei thaonyu kho lembüchemeibü khong koudeia phokei, che maeaenei hoba che nanae aenei; hoba mae aenei kibü khola nyen Jakhin hoba nanaenei kibou la nyen kho Boaz nyenkukei.