Read Chang Naga 2 LÜNGBÜDOBÜ 4 Bible Online

2 LÜNGBÜDOBÜ 4 - Chang Naga bible

2 LÜNGBÜDOBÜ 4

¹Haoei chisaknameibü lemshon che kümbei, tousüng iknop saoche, hoba khaang iknop sao- che hoba iknop an suokbü.

²Tokei haoei deidang che yaüenkei, kho jithon ka jithon sühko iknop an hoba suokla iknop ngao kommanga iknop khujin.

³Kho phanga jephot phatko noksa kikei, kho deidang kailepbo iknop an kikei. Jephot phatbü noksa kho lin nyia thenyoan küman kikei.

⁴Kho masu pongsu anthüknyi thüka lokei, pensemei yungthang ae yeian, hoba pensemei chanep ae yeian hoba pensemei yungkük ae yeian hoba pensemei chaangbou ae yeian; hoba deidang kho hao thüka thükaenei hoba deidang kho haoen thüka thükaenei tenan thüka hoba haoeneibü phai ae je maanga kikei.

⁵Hobaje kho shangbü ikmaang tetje kikei; hoba khoeibü sembung kho thungsembung phatko küman kikei, leilangkhüpbung chipen phatko; khonei dei liter hajar saosem shimbo kikei.

⁶Haoei tokei deidang phau an kümbei, hoba ngao mae ika hoba ngao nanaenei khünei sakla shanga phokei; juokbü lembü shanga peisilei shuong haoenei khünei sakkei, lausikei deidang khoje ungshedbou shuong sakla shanga kikei.

⁷Hobaje sakkubü tegü haoei honei wanthung denshang an kümbei, hoba haoei khübü kho lembü chema phokei, ngao maenei hoba ngao nanaenei.

⁸Haoei tokei khümsok an kümbei hoba khübü kho lembüchema phokei, ngao maenei, ngao nanae aenei. Hobaje haoei honeibü phauyaang saongao kümbei.

⁹Tokei haoei ungshedbou shuong shanga chemso yaangbü kho hoba chemso shanga koukap shuong chisaknamei kümbei.

¹⁰Hobaje haoei deidang chaangbou aenei chemeibü napheinei phokei.

¹¹Hobaje Huramei chak shuong kho hoba suokjin hoba phauyaang shuong kho kümbei. Hibü Mühghaüeibü chema Solomon Choba shanga haoei kümbü kümsilei kho kümkhümbei;

¹²thaonyu penyi kho hoba phauyaang shuong, hoba thaonyu sembunga kibü noksa penyi kho hoba thaonyu sembunga noksa jinbü küplepla wouyobü nyi;

¹³hoba wouyobü penyi shangabü kho chilang hek saongao lei, wouyobü wekoa chilang hek lin nyibang thaonyu sembunga kibü thaonyu sembung noksa phauyaang penyi kho küplepla shanga.

¹⁴Haoei tokei denshang kümbei hoba denshang thüka sakshang phau- yang shuong kümbei;

¹⁵deidang che hoba kho phanga masu pongsu anthüknyi.

¹⁶Hobaje tokei chak shuong hoba suokjin hoba Solomon shanga hoba BUNYUBOUeibü chem shanga chisaknam lailaibüei Huramei thungsiphau pendou kümbei.

¹⁷Jordan yomanga Chobaei khübü kho Sukot si Zerada kanglanga shungkung kao ongan kümbei.

¹⁸Solomonei khübü peisilei juong kümbei, hibü chisaknam takbü khoje alamenen.

¹⁹Hibü BUNYUBOUeibü chema kibü peisilei pendou kümbei, honei kümbü lemshang, lembü- chema phobü wentek shanga khümsok shuong.

²⁰Wanthung hoba songle ngühkhüm tegütham lembüchem maangkabou thedanga juoklabü hon lanbüei kümbü hantin shuong;

²¹chipen shuong, wanthung shuong, hoba wan shangabü kipshuong,

²²phauyaang shuong, jen shanga phau shuong, wansuokjin hon lanbüei, hoba lembüchem shanga yukleplabü shuong saopobou shemjang to atshang maangkabou koukap shuong shanga hoba lembüchem koukap shuong shanga honei kümbei.