Read Chang Naga EZRA 10 Bible Online

EZRA 10 - Chang Naga bible

EZRA 10

¹Tou Ezraei welauko hoba shedbü theletko, haapbo hoba the khüman, Mühghaüeibü chem thedanga kijinei hao jungto Israelbü bousu yaksa hoba nashousi shuong tan yaangbü che liko kamshaikei, aieilausi mütshuong aeibou haapbei.

²Hobaje Jehieleibü shou Shekania, Elameibü shousi yoa cheei Ezra to laukei, “Seneibü Mühghaü khulimbo künei shed shona, hoba kaonyeka kibü küksithang sao yakla lea; khei yingasikei kho shanga tou Israel shanga maanglem kia.

³Tou khei yingsije yaksi shuong hoba haoen ka bukbü pendou sattila ngeibü bunyubouei hoba seneibü Mühghaüei sakkubü ngühkhüma jemtenbü shuongei songsido kubü tegü seneibü Mühghaü yoa senei thebülanbü che kümbho, hoba kho ngühkhüm tegü kümtiashi.

⁴Meimeiashi, aishanga ho kaibü kümsilei ki, hoba kün ka yoa kia, hau kiashi hoba kümashi.”

⁵Kheijinei Ezra meimeikei hoba thükkabou ungshedbou shuong, Levi shuong hoba Israelbü pendou to ho kümthen tegü haoenei kümlabü dogo theyolanyotikei, hibü haoen the- yolanyokei.

⁶Kheijinei Mühghaüeibü chem thedang ka Ezra meimeikei hoba Eliashibeibü shou Jehohananeibü shemjang to atkei, hoba ladang hao khüto loukei, haoei nyak ashau, ayingsi deikei ayung, aishanga langsenbü shuong shanga haoei mang haapbei.

⁷Hobaje haoen Jerusalem to haoen lolo kamshaijan dogo Jihuda si Jerusalem pendoua langsenbü shousi pendou jungto ngühlang phinthonkei.

⁸Hobaje chalou semnyet kanglanga aoyou aloulaje kongnyu leiyeibü hoba jaishou shuongeibü ngüh tegütham, haoei kibü pendou lean aplabü hoba hao langsenbü shuong tan kambü ka bangjan.

⁹Kheijinei Jihuda si Benjaminbü mütshuong pendou chalou semnyet kanglanga Jerusalema kamshaikei hoba ho lit gü boubü kikei, lita chalou saoche boubüa müt pendou Mühghaüeibü chem thedanga khongthua setkei, hoba kho kümsilei shanga lang yaang loubü haangjung lühji lühko kikei.

¹⁰Hobaje Ezra ungshedbou kho lokei, hoba haoen to laukei, “Kanei shed shona, Israelbü shabü aei yeitila küksithang sao yakla lea;

¹¹tou khoei kaneibü pisibou to shedbü thekuashi, hoba haoei maangangbü kümashi, hoba kaonyek kabü mütli ka hoba küksithang sao shuong ka bangashi.”

¹²Kheijinei tan pendouei jongaiko ngüh yaangbüei laukei, “Kün shanga nyi laubü tegü künei kümbho.”

¹³Lausikei haoenei laukei, “Mütshang ho yongko juonga hoba ho lang yaangbü loubü jih hoba kün khongthua lola athük, ayingsi ho chalou che si nyieibü kümsilei aying; aieilausi ho kümsileia künei shed kaang shona.

¹⁴Tou seneibü kongnyu leiyeibü shuong mütshuong shanga loan kitishi, hoba sangnyu shuonga kibü aoyouei küksithang sao lea haoen jih takletbü chenei loutiashi, hoba haoen yoa sangnyu weko ka jaishou shuong, sen ka seneibü Mühghaü hatla moklabü maangshat angai shongko ho kümsilei ho lepde lemai lela angaiti shongko haoen loutiashi.”

¹⁵Asa- heleibü shou Jonathan hoba Tikoaeibü shou Jahzeia ong ho kümsilei khulimbo lokei; hoba Meshullam hoba Shabethai Levi bouei haosi to thuikei.

¹⁶Hobaje langsenbü shousi shuongei ho tegü kümbei. Hobaje Ezra ungshedbou hoba haoeneibü püshi shuong thenbü yoa leiyeibü shuong hoba haoen pendou nyen ngako pienkei; hoba lit anboubü shaangbounyetbü kümsilei khoto chühla haoen setkei.

¹⁷Hobaje shaangboubü lit shaangbounyet küksithang sao ngabü pendou yoa haoeneibü kümsilei wankei.

¹⁸Hobaje ungshedboueibü shousi yoa küksithang sao ngabü shuong hapbei; nyen Jozadakeibü shou Jeshua ka bakbü shuong hoba haoeibü jaisinasi shuong, Maaseia, Eleazar, Jarib hoba Gedalia.

¹⁹Hobaje haoeneibü yaksi shuong aplabü dogo haoenei theletbü kukei, hoba shed shonan kisije san shuong yo ka paang che haoeneibü shedbü shabü shanga haoenei lembei.

²⁰Hobaje Immer ka bakbü Hanani hoba Zebadia.

²¹Hobaje Harim ka bakbü Maaseia, hoba Elija hoba Shemeja, Jehiel, hoba Uzzia,

²²hoba Pashur ka bakbü Elioenai, Masseia, Ishmael, Nathaniel, Jozabad hoba Elasa.

²³Hobaje Levibü shuong ka; Jozabad, Shimei, hoba Kelaia (Kelita dogokei lauda), Pethahia, Jihuda, hoba Eliezer,

²⁴Hobaje chia laubü shuong, Eliashib, hoba koukhün lombü shuong; Shallum, Telem hoba Uri.

²⁵Hobaje Israel ka; Paros ka bakbü; Ramia, Izzia, Malkhija, Mijamin, Eleazar, Malkija hoba Benaia,

²⁶Elam ka bakbü: Mattania, Zekharia, Jehiel, Abdi, Jeremot, hoba Elija.

²⁷Zattu ka bakbü: Elioenai, Eliashib, Mattania, Jeremot, Zabad hoba Aziza,

²⁸Bebai ka bakbü: Jehohanan, Hanania, Zabbai, Athlai.

²⁹Bani ka bakbü: Meshullam, Malluk, Adaia, Jashub, Sheal, Jeremot.

³⁰Pahath Moab ka bakbü: Adna, Khelal, Benaia, Maaseia, Mattania, Bezalel, Binnu, hoba Manasse.

³¹Harim ka bakbü: Elie- zer, Ishija, Malkija, Shemaia, Shimeon,

³²Benjamin, Malluk hoba Shemaria.

³³Hashum ka bakbü: Mattenai, Mattata, Zabad, Elifelet, Jeremai, Manasse, hoba Shimei.

³⁴Bani ka bakbü: Maadai, Amram hoba Uel,

³⁵Benaia, Bedeia, Keluhi,

³⁶Vania, Meremot, Eliashib,

³⁷Mattania, Mattenai hoba Jaasu,

³⁸Binnu ka bakbü: Shimei,

³⁹Shelemia, Nathan, hoba Adaia,

⁴⁰Maknadebai, Shashai, Sharai,

⁴¹Azarel, hoba Shelemia, Shemaria,

⁴²Shallum, Amaria, Josef,

⁴³Nebo ka bakbü: Jeiel, Mattithia, Zabad, Zebina, Jaddai, Joel, hoba Benaia.

⁴⁴Habü ho pendouei küksithang sao ngakei, hoba haoenei haoen shousi shuong yoan sattikei.