Read Chang Naga EZRA 8 Bible Online

EZRA 8 - Chang Naga bible

EZRA 8

¹Tou Artazerkzes songdak haanga chung khuleibü shuong kü yoa Babilon ka angkei hoba haoen bakbü shuong habü ho ki:

²Finehas chung ka Gershom; Ithamar chung ka Daniel, Dawid chung ka Hattush,

³Shekania chung ka Farosh chung ka Zekharia, hoba hao yoa haoen bousu saongao to anjinsem yoan kikei.

⁴Pahath-Moabeibü chung ka Zerahiaeibü shou Elihoenai, hoba hao yoa bousu saoan.

⁵Shekaniaeibü chung ka Jaha- zieleibü shou hoba hao yoa bousu shou saongao sem.

⁶Hobaje Adineibü chung ka Jonathaneibü shou Ebed, hoba hao yoa bousu shou anjinsem.

⁷Hobaje Elameibü chung ka Athaliaeibü shou Jeshaia, hoba hao yoa bousu shou anjinlei.

⁸Shefatiaeibü chung ka Maikeleibü shou Zebadia, hoba hao yoa bousu shou saolei.

⁹Joabeibü chung ka Jehieleibü shou Obadia, hoba hao yoa bousu shou saoanto anthükset

¹⁰Shelomiteibü chung ka Josifiaeibü shou Bani hoba hao yoa bousu shou saongaoto saosem.

¹¹Hobaje Bebaieibü chung ka Bebaieibü shou Zekharia hoba hao yoa bousu shou saoto set.

¹²Hobaje Azgadeibü chung ka Hakkataneibü shou Johanan hoba hao yoa bousu shou an.

¹³Adonikameibü chung ka phailama loubü shuong, habü ho haoeneibü nyen: Elifelet, Jeuel, Shemaia, hoba haoen yoa bousu saosem.

¹⁴Hobaje Bigvaieibü chung ka Uthai hoba Zabbud hoba haoen yoa bousu anjinlei.

¹⁵Tou ngei haoen Ahava aeto koubü shumanga yoshaitikei, hoba khünei kün chalou sem kikei, hoba ngei mütshuong hoba ungshedbou shuong chühan chühkei, Levi ka bakbü shuongje akitei.

¹⁶Kheijinei ngei Eliazar, Ariel, Shemia, Elnathan, Jarib, Elnathan, Nathan, Zekharia hoba Meshullam kongnyu shuong ngala hautikei, tokei Joiarib hoba Elnathan aoyou ditenbü shuong kikei.

¹⁷Hobaje ngei haoen Iddo, ao Kasifiaa kongnyubou kikei, hao jungto hautikei, hoba Iddo hoba haoeibü jaisinasi shuong lembü chema khangenbü shuong Kasifiaa kibü to haoenei ai lenlabü kho lentikei khei haoenei küneibü Mühghaüeibü chem shanga khangenbü shuong leibajan.

¹⁸Hobaje küneibü Mühghaü ik maibü kün thüka yoan kibü ka haoenei kün jungto Mahli ka bakbü thensilen lilabü maibü kakbü müt che leian loukei, Levibü shou, Israelbü shou, hoba Sherebia, haoeibü shou hoba jaisina anthük set.

¹⁹Hobaje Hashabia, hoba hao yoa Jeshaia Merar ka bakbü hoba haoeibü jaisina.

²⁰Hobaje lembü- chema khangenbü shuong aoyou Dawid hoba kongnyu shuongei Levibü kümsilei shanga kukei, saoanto saoche, haoen pendou nyen shenko ngakei.

²¹Kheijinei Ahava shumanga khei küneibü Mühghaü thedanga kün lolo semla amlabü hoba hao ka kün shanga hoba küneibü shousi shanga hoba küneibü peisilei pendou shanga lamnyu tangbü che lamla ngei nyengbü che huiletkei.

²²Aishanga lamnyua dangbou shuong khulimbo kün to thuila Choba ka sepai tan hoba koli sepai shuong hila ngo himousele kikei; aishanga künei Choba to laukei, “Maibü lambü shuong pendou thüka küneibü Mühghaüeibü ik kia, lausikei haoeibü khauang hoba hao maangpokbü hao inletbü pendou thüka kia.”

²³Hibü künei mühei nyengkei hoba kho shanga küneibü Mühghaü lambei, hoba künei subüjabü haoei ditkei.

²⁴Hobaje ungshedbou kongnyu leiyeibü shuong anthüknyi ngei pienan phokei, khei Sherebia, Hashabia hoba haoen yoa haoeibü jaisina an,

²⁵hoba haoen la chandinam, hon hoba chaksiam, khei küneibü Mühghaü chem shanga lembü laobou Choba hoba hao to thuiyobü shuong hoba haoeibü kongnyu leiyeibü shuong hoba khünei yoan kibü Israelbü pendouei lembo kikei, kho takan kukei,

²⁶khei ngei haoeneibü ik ka chandinam seret khujin bang atbü saongao lakto anjinsem, chandinam chaksiam seret khujin bang atbü saongao hoba hon seret khujin bang atbü saongao,

²⁷hoba hon phauyaang saoche, hon nam hajar che den hoba hon tegübü namsek, chinam maibü lailaibü thung penyi.

²⁸Hobaje ngei haoen to laukei, “BUNYUBOU to kan saopobü ki hoba thungsiphau shuong saopobü ki; hoba chandinam si hon kho BUNYUBOU kaneibü pisiboueibü Mühghaü to maangmai lembü ki.

²⁹Kanei ungshedbou shuong, Le- vibü shuong hoba BUNYUBOUeibü lembüchem shemjanga Israelbü khuleibü shuong thedanga khübü kho seret hauan akushongko haoen kho kanei chühashi hoba lomashi.”

³⁰Ungshedbou shuong hoba Levibü shuongei Jerusalem küneibü Mühghaüeibü chem to khübü kho jungan loula chandinam hoba hon hoba chaksiam shuong takbü kho sungletkei.

³¹Kheijinei kün Jerusalem to haula shaangbou lit chalou anthüknyi boubüa Ahava shumang ka meimeijung haukei, hoba küneibü Mühghaü kün thüka kikei, hoba dangbou hoba lamnyua kibü ik ka haoei kün khümenkei.

³²Hobaje kün Jerusalem to loukei hoba khünei chalou sem thüngkei.

³³Hobaje leibounyet chandinam si honeibü chaksiam shuong kho Uria ungshedboueibü shou Meremoteibü ik ka takletkei; hoba hao yoa Finehaseibü shou Eleazar kikei; hoba haoen yoa Jeshuaeibü shou Jozabad, hoba Binnueibü shou Noadia, Levibü kikei.

³⁴Khümbo kho wean chühko hauan chühko sungletkei; hoba hauan chühbü pendou kho jiha doan phokei.

³⁵Langsenbü shousi shuong aoyou küksithang langsenbü ka loukei, haoenei Israel Mühghaü la juokbü lembü lembei. Israelbü pendou shanga masu pongsu anthük nyi, sanlon paang anjinngaoto lak, san shoushou anjin leito nyet, shabü lembü shanga lon paang anthüknyi, khübü pendou BUNYUBOU shanga juokbü lembü kikei.

³⁶Haoenei tokei Chobaeibü sakkubü kho Chobaeibü songdakbü la hoba shumang thinei kibü governor shuong la kukei, hoba haoenei müt shuong hoba Mühghaüeibü chema thuibü kukei.