Read Chang Naga NEHEMIA 10 Bible Online

NEHEMIA 10 - Chang Naga bible

NEHEMIA 10

¹Tou nyen jangan phobü shuong nyen: governor Nehemia, Hakaliaeibü shou hoba Zedekia.

²Ungshedbou shuong: Seraia, Azaria, Jeremia, Pashhur, Amaria, Malkija, Hattush, Shebania, Malluk, Harim, Meremoth, Obadia, Daniel, Ginnethon, Baruk, Meshullam, Abija, Mijamin, Maa- zia, Bilgai, Shemia.

⁹Azania shou Jeshua, Henadad chung kabü Binnui, Kadmiel, Shebania, Hodia, Kelita, Pelaia, Hanan, Mika, Rehob, Heshabia, Zakkur, Sherebia, Shebania, Hodia, Bani, Beninu.

¹⁴Mütli Khuleibü Shuong: Parosh, Pahath Moab, Elam, Zattu, Bani, Bunni, Azgad, Bebai, Adonija, Bigvai, Adin, Ater, Hezekia, Azzur, Hodia, Hashum, Bezai, Harif, Anathot, Nebai, Magpiash, Meshullam, Hezir, Meshezabel, Zadok, Jaddua, Pelatia, Hanan, Anaia, Hoshea, Hanania, Hasshub, Hallohesh, Pilha, Shobek, Rehum, Hashabna, Maaseia, Ahia, Hanan, Anan, Malluk, Harim, hoba Baana.

²⁸Joubü mütshuong ungshedbou, Levibü, koukhün lombü, chia laubü, lembüchema kümbüleibü dan, hoba joubü pendou aoyou ho kaodaka kibü mütshuong ka janyinan Mühghaüeibü ngühkhüm aenei ki, hoba haoeneibü shousi yaksi shuong hoba nouyangshou shuong aoyou to ditenbü hoba hapbü ngebü songsido kibü pendou,

²⁹haoen haoeneibü jaisina hoba yaangbü shuong yoan takshatkei hoba shedsikhau ngekletko Mühghaü khangenbou Mosa la kubü Mühghaüeibü takletbü ngühkhüma paila hoba BUNYUBOU küneibü BUNYUBOUei sakkubü hoba janthetkubü hoba takletbü ngühkhüm pendou jungeila theyolanyokei.

³⁰Hobaje ho kaonyeka kibü mütshuong la küneibü nouyangshou akula hoba küneibü jayangshou shuongeikei haoeneibü nouyangshousi alela theyolanyokei.

³¹Tokei ho kaonyeka kibüei peisilei ayingsi youshou yaakla sungbaalonga künei khübü kho Nounyet ayingsi saopobü chaloua ajeklabü hoba künei nyetbou po sek khokei aplabü, hoba hila kibü namsangh pendou apbulabü.

³²Tokei künei Mühghaüeibü lemshang chem shanga chandinam shekel phejan sema che po weko lemla theletkei.

³³Tokei khümsoka phobü wen, shausiyung lembü hoba juokbü lembü athakko phokula Nounyet, lit haanbü pienbü lem hoba saopobü peisilei shuong Israelbü shanga shatbü chühbü lembüsabü, hoba Mühghaüeibü lembü chem kümsilei pendou ho pendou shanga künei thekukei.

³⁴Tokei ngühkhüma doan kibü tegü püshi chung thenan, po weko jih takletbüa bu lembü kubü shanga hoba kho küneibü Mühghaüeibü chema yoshailabü hoba BUNYUBOU küneibü Mühghaü la juokbü lembüa jiklabü bu sungbala künei ungshedbou, Levibü, hoba imyam yoa phaang pakyokei.

³⁵Hobaje kao ka longbü shaangbü buhek hoba bulong phang pendoua shaang hekbü bu- hek po weko BUNYUBOUeibü chem to yoshailabü.

³⁶Hobaje shaang langshangbü, samkeisamuk shaang sitbü, ngühkhüma doan kibü tegü hoba shatsinam hoba sanlon dan ka shaang shatbü Mühghaüeibü chem to ungshedbou ao khünei kümbo ki, hao jungto jungan loula thekukei.

³⁷Hobaje küneibü shausiyung ka shaangbou youshou, küneibü haujem lembü hoba buhek phang lulu kabü hek hoba ih si onang küneibü Mühghaüeibü chem shemjanga ungshedbou jungto künei künjan; tokei küneibü kao ka an phejan lembü kho Levibü la sungbakujan, aieilausi künei sekmoubü kaonyek hoba sangnyu pendoua an phejan kho Levibüei hedatakda.

³⁸Ladang Levibü phang shuongei an phejan kho sungletlaje, haoen yoa Aroneibü shou ungshedbou kho kijan hoba Levibü phang shuongei an phejan thükto an phejan kho Mühghaüeibü chem shemjang khüto jungan louan thanshanga pholabü.

³⁹Aieilausi Israel shousi shuong hoba Levi shousi shuongei haujem lembü youshou, ih, onang khübü kho saopobü thung phoshang shemjang hoba khünei kümbü ungshedbou koukhün lombü hoba chia laubü kishang shemjang khünei yoshailabü hoba künei Mühghaüeibü chem kho sangliphanga üpyolabü.