Read Chang Naga NEHEMIA 11 Bible Online

NEHEMIA 11 - Chang Naga bible

NEHEMIA 11

¹Hobaje mütli leiyeibü shuong Jerusalema kikei, joubü mütshuong yoa an phejana che Jerusalem saopobü sangnyua kila leian loukukei, hoba phejan gü kho sangnyu lubüa kila phaang pakkei.

²Hobaje Jerusalema kila aoyouei lulu lolo maangangenkei, haoen pendou imyamei haükukei.

³Kaonyeka kongnyu shuong Jerusalema kibü kho habü ho ki; lausikei Jihuda sangnyua lulueibü phejana kibü habü; Israel, ungshedbou, Levibü, lembüchema kümbüleibü dan hoba Solomon khangenbü shousi shuong.

⁴Jihuda phang shousi shuong: Hobaje Jerusalema Jihuda si Benjamineibü shousi at kikei, Jihudabü shousi yoa Uzziaeibü shou Athaia, Zekhariaeibü shou Amariaeibü shou, Shefatiaeibü shou hoba Mahalaleleibü shou, Perezeibü shousi shuong.

⁵Barukeibü shou Maaseia, Kolhozeeibü shou Hazaiaeibü shou Adaiaeibü shou, Joiaribeibü shou, Zekhariaeibü shou hoba Shelaeibü shou.

⁶Jerusalema kibü Perezeibü shousi shuong sonenbü müt pendouei saongao leito saosemto set kikei.

⁷Benjamin phang shousi shuong: Tokei Benjamineibü bousu shousi habü ho: Joedeibü shou Sallueibü shou Meshullam. Haoeibü lubü thensilen shuong habü ho: Pedaia, Kolaia, Maaseia, Ithiel, hoba Jeshaia.

⁸Hao phainei Gabbai si Sallai, saongao güto saoto set.

⁹Hobaje Zikrieibü shou Joel haoen thüka chühbou kikei, hoba Hassenuaeibü shou Jihuda kho sangnyu thüka nyiboubü kikei.

¹⁰Ungshedbou shuong yo ka: Joiaribeibü shou Jedaia, Jakin,

¹¹Hilkiaeibü shou Seraia, Meshullameibü shou, Zadokeibü shou, Meraioteibü shou, Ahitubeibü shou, habü ho Mühghaüeibü chema songdakbü shuong kikei.

¹²Hobaje haoeneibü jaisinaeibü chema kümbü saongao setto saoto nyi kikei, hoba Jerohameibü shou Adaia, Pelaliaeibü shou, Amzieibü shou, Zekhariaeibü shou, Pashureibü shou, Malkijaeibü shou.

¹³Hobaje haoeibü jaisinasi shuong püshi lin chunga leiyeibü saoanto saonyito nyi hoba Azareleibü shou Amashsai, Ahzaieibü shou, Meshellemoteibü shou, Immereibü shou,

¹⁴hoba haoeneibü jaisina nyenshen lakjaibü müt saongaoto saoto set. Haoen thüka chühbou Haggedolimeibü shou Zabdiel kikei.

¹⁵Levibü shuong: Levibü yoa Hasshubeibü shou Shemaia Azrikameibü shou, Hashabiaeibü shou Bunnieibü shou.

¹⁶Hobaje Levibü phang yoa leiyeibü yo ka Shabbethai hoba Jozabad yoan Mühghaüeibü chem chühbü kümsileia kikei.

¹⁷Hobaje Mikaeibü shou Mattania, Zabdieibü shou, Asa- feibü shou, ao nyensang kubü welaubüa leiyeibou kikei; hoba haoeibü jaisina yoa nyiboubü kho Bakbukia, hoba Shammuaeibü shou Abda, Galaleibü shou Jeduthuneibü shou.

¹⁸Saopobü sangnyua kibü Levibü pendouei saoanto saoleito lei kikei.

¹⁹Lembüchem lombü shuong Akkub, Talmon, hoba haoeneibü jaisina bakhün lombü pendouei saongao to anjinleito nyi kikei.

²⁰Joubü Israelbü ungshedbou hoba Levi phang pendou Jihuda kaodak sangnyu pendoua müt- pem weko lulueibü phet phanko kikei.

²¹Lausikei lembüchem kümsilei kümbü danje Ofela kikei hoba lembüchem kümbü dan thüka Ziha si Gishpa ham kikei.

²²Jerusalema Levibü chühbou Banieibü shou Uzzi, Hashabiaeibü shou, Mattaniaeibü shou, Mikaeibü shou, Asafeibü shousi shuong chia laubü aoyou Mühghaüeibü chema kümaleia chühbou kikei.

²³Aieilausi haoen shanga Choba ka ngühkhüm kho ho kikei, khei chalou angbou shanga chia laubü dan la takletkubü shausiyung kujan.

²⁴Hobaje Meshezabeleibü shou Pethahia, ao Jihudaeibü shou Zera ka pakkei, hao Choba to thenbou kikei; aoeibü ika mütli to chühla hau pendou kukei.

²⁵Hobaje sanga kibü hoba haoeneibü sek to chühla shanga Jihudabü shousi at Kiriath Arba, Dibon, hoba Jekabzeel sangnyu shuong hoba habü kaijembo kibü sangayama kikei.

²⁶Tokei Jeshuaa hoba Moladaa, Beth-Peleta:

²⁷Hazarshual, Beersheba hoba khübü kaijembo kibü sanga,

²⁸hoba Ziklag, Mekona hoba kaijembo kibü sanga.

²⁹Enrimon, Zora, Jarmuta

³⁰Zanoa, Adullam hoba kaijembo sanga Lakhish hoba kho kaijembo khongthua, Azeka hoba kho sang kaijemboa. Hibü haoenei Beersheba ka Hinnom pholi sühkoa setshang imenko chem dangkei.

³¹Benjamineibü shousi shuong Geba ka kijung haubü Mikmash, Aija, Bethel, hoba khübü sangnyu kaijemboa kibü sanga,

³²hoba Anathot, Nob, Anania,

³³Hazor, Rama, Gittaim;

³⁴Hadid, Zeboim, Neballat,

³⁵Lod, Ono, peisilei hapshang pholi sühko louan kikei.

³⁶Jihuda chunga Levibü janyinbü atei Benjamin chung lamjung haukei.