Read Chang Naga NEHEMIA 7 Bible Online

NEHEMIA 7 - Chang Naga bible

NEHEMIA 7

¹Tou kümthang kho yeikei, hoba ngei koukhün lombü, chia laubü hoba Levibü pienkei.

²Kheijinei kümsilei kho ngeibü jaisina Hanani la, hoba lapheishona kongnyu ikjaibou Hanania la Jerusalem khümbo kukei, aieilausi juong toje hao maang lemenbou hoba Mühghaü to hatbü müt che kiteikei.

³Hobaje ngei haoen to laukei, “Chanyu akangshongko Jerusalem bakhün tüip, hoba haoenei lombo kitoua bakhün kho khintiashi hoba koukhin jintiashi, hoba mütpem weko jembü lolo hoba lulueibü chem lomla shanga Jerusalema kibü khümbo ka lombü pienjan.”

⁴Tou sangnyu kho yaang hoba ongatham phanganyenga lausikei khünei kibü mütli shisho ong hoba kishang chem mo adangkei.

⁵Hobaje Mühghaüei kü to yaangenbü, songdakbü hoba mütli leishaibü haoen lai haajung loukei yenei yenko dola lenkei. Haoen shaangbü shuong haajung loubü shanga le kho ngei sungbaenkei, hoba khünei dobü ngei hapbei.

⁶Khübü kho provinsa kibü Babilonbü Choba Nebukhadnezzarei lapjung haubü shousi shuong, aoyou nyibou Jerusalem hoba Jihuda kaodak to longeikei, lulueibü sangnyu lambo ngaikei.

⁷Haoen Zerubbabel, Jeshua, Nehemia, Azaria, Raamia, Nahamani, Mordekai, Bilshan, Misperet, Bigvai, Nehum hoba Baana yoa loukei.

⁸Langsenbü ka longeibü Israel chung weko kabü mütshang webü lühbak ho ki: Parosh - 2,172 Shefatia - 372 Ara - 652 Pahath Moab (Jeshua si Joab thensilen) - 2,818 Elam - 1,254 Zattu - 845 Zakkai - 760 Binnui - 648 Bebai - 628 Azgad - 2,322 Adonikam - 667 Bigvai - 2,067 Adin - 655 Ater (Hezekia danko) - 98 Hashum - 328 Bezai - 324 Harif - 112 Gibeon - 95

²⁶Habü sangnyua kibü thensilen mütshuongkei longeikei: Bethlehem hoba Netofa - 188 Anathot - 128 Beth Azmavet - 42 Kiriath Jearim, Kefira hoba Beeroth - 743 Rama hoba Geba - 621 Mikmash - 122 Bethel hoba Ai - 123 Lubü Nebo - 52 Lubü Elam - 1,254 Harim - 320 Jerikho - 345 Lod, Hadid hoba Ono - 721 Senaa - 3,930

³⁹Ho langsenbü ka longeibü ungshedbü chung lühbak: Jedaia (Jeshua thensilen) - 973 Immer - 1,052 Pashur - 1,247 Harim - 1,017

⁴³Langsenbü ka longeibü Levi chung lühbak: Jeshua hoba Kadmiel (Hodavia thensilen) - 74 Lembüchema chia laubü (Asaf thensilen) - 148 Lembüchem lombü dan (Shallum, Ater, Talmon, Akkub, Hatita hoba Shobai) - 138

⁴⁶Langsenbü ka longeibü lembüchema kümbüleibü shuong: Ziha, Hasufa, Tabbaoth, Keros, Sia, Padon, Lebana, Hagaba, Shalmai, Hanan, Giddel, Gahar, Reaia, Rezin, Nekoda, Gazzam, Uzza, Pasea, Besai, Meunim, Nefussim, Bakbuk, Hakufa, Harhur, Bazluth, Mehida, Harsha, Barkos, Sisera, Tema, Nezia, hoba Hatifa.

⁵⁷Langsenbü ka longeibü Solomoneibü sambü shuong: Sotai, Sofereth, Perida, Jaala, Darkon, Giddel, Shefatia, Hattil, Pokereth, Hazzebaim, hoba Amon.

⁶⁰Langsenbü ka longeibü lembüchema kümbüleibü hoba Solomoneibü sambü shuong thensilen lühbak pendouei saongao semto anjin ngaoto nyi.

⁶¹Tel Mela, Tel Harsha hoba Kherub, Addon hoba Immer sangnyu ka longeibü Delaia, Tobia, hoba Nekoda chung pendouei mütshang saongao lakto saonyito nyi kiteikei; lausikei haoenei haoen Israelbü yingkei dogo aukabü akuen.

⁶³Habü ungshedbou chungei haoeneibü pithen bouthen aukabü dobü aphanen; Hobaia, Hakkoz, hoba Barzillai. (Barzillai ungshedbou pisibouei Gileadbü Barzillai chung ka yak che ngakei hoba kounyangbou chungeibü nyen lekei). Haoenei haoeneibü pithen aphanenbü ka haoen ungshedbou la ale.

⁶⁵Jihudabü governorei haoen to Urim si Thummim jungeilabü lele ungshedbou che aki shongkoje Mühghaü to lembü saopobü shausiyung haoenei shaula athük dogo laukei.

⁶⁶Langsenbü ka longeibü lühbak pendouei - 42,360 Haoeneibü sambü hoba samnyu shuong - 7,337 Chia laubü bousu yaksa - 245 Koli - 736 Koli phatbü - 245 Ut - 435 Gadu - 6,720

⁷⁰Mütshuong juongei lembü- chem dangetbüa thuiyola haujem kuyokei: Governorei hon seret 8 phauyaang 50 ungshedbou neisimei 530 Chung konglebou shuongei hon seret 168 chandinam seret 1250 Joubü noknyühei hon seret 168 chandinam seret 140 ungshedbou neisimei 67

⁷³Hibü ungshedbou, Levibü, koukhün lombü, chia laubü, tokei imyam at hoba lembüchema kümbüleibü dan hoba Israelbü khümbo haoeneibü sangnyua kikei.