Read Chang Naga ESTHER 4 Bible Online

ESTHER 4 - Chang Naga bible

ESTHER 4

¹Ladang Mordekaiei khübü kümbü shuong pendou shanga ditkei, Mordekaiei jembü neisimei jitnyinkei hoba khua tap naangan senou nei neikei, hoba sangnyu jenyu to atkei, hoba ngüh yaangbüei hao aeibou mang- haapbo ngekkei;

²hoba hao khei Chobaeibü bakou the to loukei; aishanga aokei Chobaeibü bakou maangto senou nei neian atjan aying.

³Hobaje provins wekoa lai aeto ong Chobaeibü sengkubü hoba ngühkhüm loukei, Jihudabü yoa aeibou hanghangko nyengbü hoba haapyobü hoba lemenyobü kikei, hoba juongei senou nei neian tap thüka leketnyu yepan kikei.

⁴Ladang Esthereibü sambü sao hoba sungphatbü mütshuong loukei, hoba kho sao to Mordekaiei ai kümbei kho lenkei. Chobasao kho aeibou maang leilukei, hoba Mordekai la neitila hoba hao ka senou nei aptila saoei nei jungan hautikei, lausikei haoei kho asunglet.

⁵Kheijinei Estherei Hathak, Chobaeibü sungphatbou yoa che, ao haoei Esther chühla pienkei, hao ngakei, hoba ho ai, hoba ailai kho ngela Mordekai jungto haula sengkukei.

⁶Hibü sangnyu khongthu keeshang laobou Chobaeibü bakou thedanga kikei khüto Mordekai jungto Hathak haukei.

⁷Hobaje Jihudabü pendou shemtia longa Chobaeibü namthanshang to pendouei ladüng kula Hamanei thekukei hoba Mordekaiei hao to haüthükbü pendou shanga hao to lenkei.

⁸Hobaje haoen mautila Shushana kümbü ngühkhüm dobü kho Esther la lenla shanga hoba kho sao la ngetila hoba sao to Choba jungto sao atshi dogo laula, hao to sulajala, hoba hao thedanga jembü mütli shanga sulajala haoei hao la le kho kukei.

⁹Hobaje Hathak loukei hoba Esther la Mordekaieibü ngühshuong kho lenkei.

¹⁰Kheijinei Estherei Hathak to joyokei hoba Mordekai jungto ngühlang che ho hai kungaikei.

¹¹“Chobaeieibü sambü shuong hoba Chobaeibü provinsa pendouei ngekei, khei aoyou, bousu yingasikei, yaksa yingasikei, ao ong Choba jungto shemjang maangkabou to atlaje, hao shanga ngühkhüm che ong, khei ao jungto hao lang kitila honeibü aubu japan Chobaeibü nyen phonglaje hao to liman, pendou haitilabü; lausikei khübü chalou khujin Choba jungto atla ngo angako kia.”

¹²Hobaje haoenei Esthereibü ngühshuong kho Mordekai to lenkei.

¹³Kheijinei Esther jungto jongaibü jungan ngaila haoen to lenkei, “Jihudabü pendou apyoan noje Chobaeibü chema satenlep dogo tedam.

¹⁴Aishanga ho tegübü jiha no lepde ngüh üangko kijinei Jihudabü jungto khuthük ka thuibü louyenlabü hoba haoen püetlabü lausikei no hailabü hoba kaboueibü chemdangje maulabü hoba ho tegübü jihsiphai shanga no Chobasao yeibükei aoei ngean?”

¹⁵Kheijinei Estherei Mordekai jungto jongaibü jungan haoen ngaitikei,

¹⁶“Chühashi, Shushana Jihudabü pendou liko kamshaiashi, hoba kü shanga kanei mühei nyengashi hoba welaukuashi, chalou sem nangnak sem shaukei teshau, hoba yungkei teyung, tokei ngo hoba ngeibü sambü sao shuongkei kho tegü nyenglabü, hoba kho phaia ngühkhüma akisikei Choba jungto atlabü, hoba kho shanga ngo hailabü yinga tegükei ngo hailabü.”

¹⁷Mordekai khüka meimeikei hoba Estherei hao la sakkubü tegü pendou kümbei.