Read Chang Naga LEIYENBÜ 11 Bible Online

LEIYENBÜ 11 - Chang Naga bible

LEIYENBÜ 11

¹Kheijinei BUNYUBOUei Mosa to laukei, “Toukei ngei Farao si Ijep thükto shieikoe che loutilabü. Kho phaia haoei kan haka hautilabü, haoei ladang kan hautilaje haoei kan khümbomeiko shian aplabü.

²Israel shousi mütpem weko to lenashi; bousu wekoei jembü lepbou ka hoba yaksa wekoei saoeibü lepbü ka chandinam hoba honeibü chisiyak hiashi.”

³(Hobaje Ijep mütli thedanga maangshik hapla BUNYUBOUei mütshuong la kukei. Khoto liman Ijep kaodaka hoba Farao khangenbü shuong thedanga hoba mütshuong thedanga Mosa aeibou haangan yaang kikei).

⁴Kheijinei Mosaei choba to laukei, “BUNYUBOUei hai lauda, Saotometuphanga ngo Ijep nakjung danlabü;

⁵hoba Ijep kaodaka shaangbü bukbü pendou choba setshanga setbü Faraoeibü jayangshou ka khangan shemshi maanga kibü sambü saoeibü jayangshou sühko hoba shaang shatbü shatsinam pendou hailabü.

⁶Hobaje Ijep kaodak pendoua haapyobü kilabü, hoba kho tegübü ladangkei ditan achüh hoba ho phaiakei aditlabü.

⁷Lausikei Ijep si Israelbü ham kanglanga BUNYUBOUei ailai lulu jungeida kho kanei ngela shanga Israel shousi aotokei müt ayingsi meisiau aitokei kei cheei ongkei angounglabü.

⁸Hobaje no khangenbü shuong pendou kü jungto louan haoen lulu khüpetan laulabü; ‘No hoba ka phainei sembü mütshuong pendou hauashi!’ Kho phaia ong ngo haulabü.” Hobaje Mosa Farao jungka aeibou khauangko satkei.

⁹Kheijinei BUNYUBOUei Mosa to laukei. “Ijep kaodaka ngeibü maangpanglabü seikümseilei haatilabü laüa Faraoei kaibü ngüha alekulabü.”

¹⁰Mosa si Aronei khübü maangpanglabü, seikümseilei pendou Farao thedanga kümbei, lausikei BUNYUBOUei Farao maangpon kaangtikei, hoba haoei Israel shousi shuong haoeibü kaonyek ka ohauti.