Read Chang Naga JOB 13 Bible Online

JOB 13 - Chang Naga bible

JOB 13

¹Chühashi, ngei pendou hapa, ngeibü nouei tida, hoba ditena.

²Kanei ai ngekei, ngeikei ngeakei, ngo kan to phangkabou aying.

³Lausikei ngei pendou Thükenbou to joyomangsühda; hoba Mühghaü to pheyophanyola ngei mangsühko haiyeida.

⁴Lausikei kan amlangbü kümbü shuong, kan pendou amlangbü daktar shuong ong.

⁵O, kanei ong ngüh üangko kikei tegüje, kho kanei hapbü ngebü yingkhoulabü!

⁶Tou kü sembungei laubü ditashi. hoba ngeibü sembung khopei subüjabü ditshi.

⁷Kanei Mühghaü nyena amlang, hoba khüpbolangko laulep sai?

⁸Kanei haoeibü thenyek chühlep lo? Hobaje Mühghaü shanga pü lelep lo?

⁹Haoei kaibü shed lamlabü kho maibü sai? ayingsi mütei müt khüpettibü tegü nyi hao khüpettilepsai?

¹⁰Nyi chemphanga the chühalonga, haoei maimaitham no tang khittikulabü.

¹¹Haoeibü son to no ühütlep lo? Haoei nyonglepbüei no angesaklep ayingsi?

¹²Kanei tetenbü kho jim aki tap tegü ong; kan matmaibü ngüh shuong kho shungkung tham ong.

¹³Ngüh tüang, ngei laula shanga ngo khei ong apyoshi. hoba ai yinglaje yingshi.

¹⁴Ngeibü phea lai küman ngeibü hauh ngüttila? Hobaje ngeibü langkei ngeibü ika lai phola?

¹⁵Chühashi haoei ngo wapettilabü, ngo maanglem aki; khei yingsikei ngei hao thedanga ai janbü kho kümlabü.

¹⁶Kho ngeibü khümenbou kilabü. Aieilausi Mühghaü to ühütbü müt hao jungto aloulabü.

¹⁷Ngeibü ngüh maisho ditashi, hoba ngeibü ngüh nyi noua nepbo ditashi.

¹⁸Tou ditashi, ngei kü ngüh linkeilinko kua; ngo mat maitilabü dogo ngei ngekei.

¹⁹kü to suok soyolabü ao ki? Hibü kheiyingsi ong ngo ngüh üangko hailabü.

²⁰kü to kümsilei penyi ong teküm, khei yingsi ong ngo ka thedang ka ngo lolo ahulabü.

²¹Kaibü ik kü ka lounyu bangjung haushi, hoba kaibü hatlamoklabüei ngo temokti.

²²Kheijinei ong nyi ngaashi, hoba ngei jongailabü; ayingsi ngei joyokho, nyi jongaiashi.

²³Ngeibü shedbü shabü lajuche ki? Ngei ngühkhüm lulimbü hoba ngeibü shabü ngetiashi.

²⁴Aila kaibü thenyek küplepda, hoba ngo kaibü dangbou dogo weeida?

²⁵Yeiei soujung hauko kibü che kho nyi moktilep sai? Youshou sho linbü kho nyi shieilep sai?

²⁶Aieilausi nyi ngo khulimbo ngüh khaubü doan jinkuda; hoba kü nashouabü shedbü shuong kü la phet phanngaitikei?

²⁷Hobaje nyi ngeibü you khühkuda, hoba ngeibü youmo phanda; nyi ngeibü you komlepan phokuda.

²⁸Ngo nyaületbü peisilei che tegü kiasikei, hoba phetyangei shaubü nei che tegü kiasikei, nyi ho pendou kü to kümda.