Read Chang Naga JOB 17 Bible Online

JOB 17 - Chang Naga bible

JOB 17

¹Ngeibü soushou leilua, ngeibü chalou aki, Kü shanga hee lamlekuakei.

²Maimaitham kü la nyikubü shuong ngo kaijembo kia. hoba haoen khauang longbüei ngeibü nyek yukmetda.

³Ngei ho sudajada, ngo ka yoa angthetla nyi thekubü aukabü labü, Ka to limbo kü yoa ik hatyolabü ao ki?

⁴Aieilausi ditenbü ka nyi haoeneibü maang pon huan phoa; hibü nyi haoen ayaangentilabü.

⁵Aoei phejan che haplabü nyena jembü thangbou shuong to amlang ngüh lauda; haoeibü shousi shuongeikei nyek thutikulabü.

⁶Phangshuongei ngühli la lelabü lele, hoba mütei kü to eokei thoklabü lele haoei ngo küma.

⁷Ngeibü maangshatei ngeibü nyekei shangaashatko hapda, hoba ngeibü küksiho pendou mangshoubü che tegü ong.

⁸Maangtangbü shuong khünei maangpanglabü. hoba shed akakbüei Mühghaü to maialembü shanga maangmauda.

⁹Khei yingasikei saopobü shuongei jembü lam pyoda, hoba aoeibü ik saopobü ki aei hau kibou yeilabü.

¹⁰Lausikei tou kan pendou kaishi, hoba kan yoa che ongkei sangbüdobü ühüplabü.

¹¹Ngeibü chalou tana, ngeibü nyekchüh, khei ngeibü maanga dambü leilua.

¹²Haoenei nangnak kho changela yeitida, hoba lauda, ngesakbü kho nakthüh nyangko kia.

¹³Ngei Sheol kho ngeibü chem dogo lamalonga, nakthüh phanga yepshang imalonga.

¹⁴Püngkhün to, no kübou, hoba yangpem to ngeibü nyu hoba nou dogo laualonga.

¹⁵Kholonga ngeibü maanglem lanei ki? Hobaje ngeibü maanglem kho aoei chühla?

¹⁶Haoen kü yoa Sheol to yanlepsai? Ayingsi kün liko tham to atlepsai?