Read Chang Naga JOB 21 Bible Online

JOB 21 - Chang Naga bible

JOB 21

¹Kheijinei Jobei jongaikei:

²Ngeibü ngüh nou haangan ditashi; hoba hoei kan senyühshemshi.

³Natenko haiteishi, hoba ngeikei laulabü; hoba ngei laokhüman phaia kü la nyikushi.

⁴Ngei ho müt khulimbo nyamnyamda sai? Hobaje ngo aila natenbü akiko kila?

⁵kü to chühashi, hoba maangpangashi; hoba kaibü ikei kaibü sembung küplepbashi.

⁶Ladang ong ngei kü to haüthükbü damenda ngo senyüsheida, hoba ngeibü mang hatlabüei shenda.

⁷Amaibü shuong aila lang kida, salangko kida, hoba hau yaangbü yeida?

⁸haoeneibü shisishousi haoen yoa haoen kaijembo loda, hoba haoen thedanga haoeneibü shousi shuong hapda.

⁹Hatlamoklabü ka haoen chemdang satenan kia, ayingsi Mühghaüeibü ju kei haoen thükto atonenda.

¹⁰haoeneibü masu pongsu shuongei athon athakko lilabü haatida. Masu nyunyu shuongei shoushou shatda hoba nangan asattida.

¹¹haoeneibü shousi sanlon tan tegü hautida, hoba haoeneibü shousi shuong tomdalakda.

¹²haoenei kongkin, pithung metko chia lauda, pthung ngühlang yoa lemlemyoda.

¹³Haoenei haoeneibü langkei naangmaibüa thontida, hoba mangde haishang to yanda.

¹⁴Khei yingasikei haoenei Mühghaü to lauda, Kün jungka satashi. Aieilausi kaibü song ditletla shanga künei maangadakda.

¹⁵Künei hao to lemlabü lele pendou to Thükkabou kho ao, hoba künei hao to welausi künei ai ku hapla?

¹⁶Chühashi, haoen naangmaibü kho haoeneibü ika aki; amaibü shuongeibü dambü kho kü ka lounyu bangakei.

¹⁷amaiboueibü wanthung latüngnei ong metnyetda? Haoen jungto thushed latüngnei louda? Mühghaüeibü khauang latüngnei janyoda?

¹⁸Yei thedanga haoen youho tegü, hoba youshou sho tegü yeinakei soulangda.

¹⁹kanei lauda, Mühghaüei haoeneibü shousi shuong shanga shieikoe thankuakei, haoei kho ngelabü lele müt khola kho kuan chühashi.

²⁰Hao kongbü kho hao lolo haptiashi, hoba pendou Thükenbou maangshat kho hao la yungtiashi.

²¹Aishanga müt che hao haibü lit mauan phaia, haoei haoeibü chemdanga olinbü ayingsi maangdak ai ngela?

²²Thükaenei kibü haoei matjemda dogo ngean, aoei Mühghaü la songsido lenla?

²³Müt at langthüng langan hoba haksoa, at jankomuko haida.

²⁴Haoeibü mang haabüei shenakei, hoba haoeibü lomaang hai nemakei.

²⁵Müt atje soushou khaubüa haida, hoba maibü kho ladangkei seanachüh.

²⁶Haoen pendou jeteitei kaoa yepda, hoba haoen yangbemei shenda.

²⁷Chühashi, kaibü dambü, hoba ngo khulimbo huon amaibü aiong takda ngei ngeakei.

²⁸Aieilausi kanei lauda, “Chobaeibü chem kho lanei ki? hoba amaibü shuong kishang neichem kho lanei ki?”

²⁹Thushed chaloua müt amaibü kho senetan phoda; hoba maangpokbü chaloua haoen khümenda.

³⁰Kho tanbüphaibü to kanei aphesai? hoba haoeneibü aukabü kanei haü dogo akisai?

³¹Hao thedanga aoei hao shanga khokan lenla?

³²Kho ong aying, hao hee to lengjung hauda, hoba haoenei haoeibü hee lomda.

³³Pholi kao kho hao la aeibou teikulabü; hoba hao thedanga aweenko kibü mütshaang hao phai to semda.

³⁴Kholonga, kanei jongaibü kho kongkong ong dogo ngean, amlanga laiküman kanei ngo maangsuda?