Read Chang Naga JOB 22 Bible Online

JOB 22 - Chang Naga bible

JOB 22

¹Kheijinei Teman bou Elifasei jongaikei:

²Mühghaü shanga müt che kho ku kiasao; ayingsi sangbüdobü kho ong hao shanga ku yinglao?

³No saopobü laubü kho pendou, Thükenbou shanga haü, dogo ki sai? Ayingsi kaibü lamnyu janko kia dogo laubü khoei hao shanga ku sai?

⁴Nyi hao to hatsi haoei ka to hakda, hoba kaibü ngüh matjemda sai?

⁵Kaibü shabü yaangbü aying lo? Kaibü shabü kho thon aki.

⁶Aieilausi amlanga nyi kaibü jaisina ka phobnam leda, hoba akialebü ka nyi haoeneibü neisimei soda.

⁷Hübümangbü la nyi yunglabü dei akuda, hoba mühei haiko kibü la shausiyung akuko hatlepnyu phoda.

⁸Lausikei aoyou hau ki, haoenei kaokei kia, hoba nyen hangbou hao khünei kida.

⁹Latnyu shuong nyi haoen kong ngaitia, hoba shoujit shuongeibü ik nyi ngoktikua.

¹⁰Hibü no kaijembo sung sanakei, hoba hakde loubü thushedei no khonkuda.

¹¹Kaibü ngesak kho nyi ühüplabü lele nakthüha, hoba yungsenei no nyemda.

¹²Mühghaü khuthük thükkaboua aki lo, hoba khanshoulitshou shuong to chühashi, khübü kho lai kuia ki!

¹³Hobaje nyi lauda, “Mühghaüei ai ngekei? Nakthüh shangbü danko nyi mat jemenlep lo?”

¹⁴Haoei ühüplabü lele sangmei shangtüngbüei hao yuklepda; hoba hao khuthük kommaanga paida.

¹⁵Laobou lamnyua amaibou paikei, kho hangbü lama no haulep lo?

¹⁶Haoen kho haoeneibü jih mo asühko, haoeneibü chemshang to liko yungsenei kotlangda.

¹⁷Haoenei Mühghaü to laukei, “Kün jungka satan apashi, hoba pendou Thükenbouei kün shanga ai kümenkei?”

¹⁸Khei yingsi dogokei haoei peisilei maibüei haoeneibü chem shentikei. Lausikei amaiboueibü dambü kho kü ka lounyu bangan kia.

¹⁹Saopobü shuongei kho hapda hoba olinda; hoba shedbü akakbü shuongei haoen attiko nyikuda.

²⁰Hobaje lauda, “Maimaitham haoeneibü nyaksinam shema, hoba wanei haoenei kibü juokan apa.”

²¹No Mühghaü to thangbou lamashi, hoba sangmaia kiashi; kho tegübüei no kila keilabü.

²²Ngei ka to sudajada, haoeibü sembung ka kümlabü ngühkhüm sungletashi, hoba haoeibü ngüh kaibü maangpona phoashi.

²³No pendou Thükenbou jungto sepeinyu longeia longa hoba ea aoa yeialonga, kaibü neichema asaopobü kho nyi saabü to tekan apalonga.

²⁴Hobaje hon kho thamngua apyoalonga, hoba shumanga laang yoa Ofir hon kho apyoalonga.

²⁵Kheijinei pendou Thükenbou kho kaibü hon yinglabü, hoba haoei lenbü lamnyu kho namsek kilabü.

²⁶Aieilausi kheijineije nyi no lolo pendou Thükenbou to olinlabü, hoba Mühghaü aedanga kaibü thenyek sepeilabü.

²⁷Nyi hao jungto kaibü welau hautilabü, hoba haoei ka to ditlabü. hoba nyi kaibü theletbü lembü kulabü.

²⁸Tokei nyi denche janenlabü, hoba kho ka la loushedtikulabü; hoba kaibü lamnyua ngesakbü haalabü.

²⁹Aieilausi Mühghaüei lilibü yantida, lausikei ea aoabü haoei püetlabü.

³⁰Haoei shedbü akakbü püetda. Haü, kaibü ik saopoan kialonga no khümenlabü.