Read Chang Naga JOB 23 Bible Online

JOB 23 - Chang Naga bible

JOB 23

¹Kheijinei Jobei jongaikei:

²Tatkei ngo nyamnyambü kho khauekbü; ngo wibü toje haoeibü ik ong atsheibou.

³Oh, hao lanei hapla kho ngei ngea tegüje, khei hao kishang sühko ngo hauenkhoulabü!

⁴Ngei hao thedanga ngüh yeneiyenko kukhoulabü, hoba kü sembung ngüh den denei shenlabü.

⁵Haoei ai jongaila ngei ngea tegüje, hoba haoei kü to ai lenla kho ngea tegüje!

⁶Haoeibü sei yaangbüei kü to tokyoa saoma lo? Aying, lausikei haoei ngeibü ngüh ditan chühlabü.

⁷Khünei maangtangbü müt cheei hao to pheyophanyolabü, hoba ponpen shanga ngeibü matjembou ka ngo püetlabü.

⁸Chühashi, ngo thedang aeto hauda, lausikei hao khünei aki; hoba ngo phai sukda, lausikei ngei hao ashenda.

⁹Ngo nanae, mae hoba yungkük yungthang to hao lamla hauda lausikei ühüpda.

¹⁰Aieilausi haoei ngo haushang ngeakei; ladang haoei ngo takteilaje ngo hon tegü longlabü.

¹¹Haoeibü youmoa ngo atoknokko paia, ngo haoeibü lamnyua tükde phaisema, hoba lubü lam to ayong.

¹²Haoeibü sembung ka litibü ngühkhüm shuong ngei ladangkei tekan üp. Ngei shausiyung toje aei ngei haoeibü ngüh thanan phokei.

¹³Lausikei haoeibü maangpon che ong, hoba aoei hao jaksheikula thükkei? Hobaje haoeibü soushouei ai kümmangsühda, kho kümda.

¹⁴Aieilausi kü shanga ai janthetan ki kho haoei lamlekuda; hoba kho tegübü juong haoeibü maangpona kia.

¹⁵Hibü hao thedanga ngo lai aleda; ladang ngei damlaje ngo hao to hatda.

¹⁶Aieilausi Mühghaüei ngeibü maangpon hantia; hoba pendou Thükenbouei ngo khon kutida.

¹⁷Aieilausi nakthühei ngo lai ale, hoba nakthüh shangbüei ngeibü thenyek küplepbei.