Read Chang Naga JOB 24 Bible Online

JOB 24 - Chang Naga bible

JOB 24

¹Aila pendou Thükenbouei matjemla jih ajanenda? Hobaje aoyouei hao ngekei haoenei aila haoeibü chalou shuong ühüpda?

²Müt amaibüei leilang laang lühan apda; haoenei meisiau shuong shuonga nanglangda hoba khübü kho lamshautida.

³Shoujit shuongeibü gadu nangjung satda, hoba latnyu shuongeibü masu pongsu namsangh shanga leda.

⁴Haoenei shalebü shuong tangto nangan sattida, kaodaka shalebü liko huda.

⁵Chühashi, sangliphang kabü yamkabü gadu tegü, shausiyung aeibou maangsangko lambo, haoen haoeneibü kümtoleito hauda; haoeneibü shousi shuong shanga yam khoei shausiyung kuda.

⁶Haoenei sek ka lang sungda; haoenei müt amaibüeibü sek ka buhek kheida.

⁷Haoen langyang sünga mütkong yepda; hoba khamalüha neilabü nei aki.

⁸Shongh aeka louyenbü langei haoen nemda, hoba satenshang akisije laangpopa huda.

⁹Shoujit shuong senyung nguia keklangda, hoa shalebüeibü nasak kho namsangh lu leda.

¹⁰Atje neila akiko mütkong hauda; Mühei haiyetnyu haoenei youshang künda.

¹¹Kümthang kanglanga haoenei onang nitda; haoen onang nitshanga kümda, lausikei deilaei phaman kida.

¹²Haibü shuongei wibü ngühlang sangnyu ka longda, hoba moulebü shuong soushouei thuibü hiko ngekda, lausikei Mühghaüei haoeneibü welau haü dogo aki.

¹³Haoen kho ngesakbü khulimbo lobü shuong ki. Aoyouei ngesakbü lamnyu ange, ayingsi khübü lamnyua apaida.

¹⁴Shalebü si akialebü shuong haitila shanga langnge asaotoua müt haitibou kho pida, hoba nangnak hao kokkosembo weneida.

¹⁵Asangalanbü shuongeikei ushenngeko kibü jih haiteida, hoba lauda, “Aoeikei ngeibü thenyek ashenlabü,” hoba haoei neikhu yukda.

¹⁶Nangnak haoei chem aakda; ngeyang haoenei khinngailangda, haoenei ngesakbü kho hapan achühda.

¹⁷Aishanga haoen pendou shanga nangnak daomao kho ngeyang tegü ki; aieilausi haoen kho metu daomaophangeibü thangbou ki.

¹⁸Haoen dei thüka panteiko hauda; kaodaka haoeneibü phejana shedsikhau kuan apa; khoei haoeneibü semlüh laak to akouda.

¹⁹Chasekbü si lemabüei nindei haptida; kho tegü Sheolei shabü shuong suida.

²⁰Nyusemei hao malabü yangpemei hao teikeiteiko shaulabü; hao touje ladangkei adamenlabü; hoba asaopobü kho bulong che tegü ngokletda.

²¹Haoei aongkongbü sao amaiko jungeida; hoba latnyu to maibü akümda.

²²Khei yingsikei haoeibü sei danko Mühghaüei hau kibü lang kitida; Hao lang kilabü dogo haoei maialemsi dogokei hao pida.

²³Mühghaüei hao la maanglemenbü sakkuda hoba haoei khünei da; hoba hao haushang to haoei nyek hautida.

²⁴Tuisho shanga haoen tonenda hoba haoen satan apda; haü, haoen yantida, lubü pendou tegü haoen kheian phoda. Hobaje hangi hoten tegü haoen wapan apda.

²⁵Hobaje tou kho tegü ayinglonga, aoei ngo amlang dogo aukabü kula, hoba ngeibü ngüh amlang yeitila?