Read Chang Naga JOB 27 Bible Online

JOB 27 - Chang Naga bible

JOB 27

¹Hobaje Jobei tokei haoeibü ngühphatbü athakko laukei:

²Mühghaü lang kisije aoei ngeibü phejan soan sungkei, hoba pendou Thükenbou, aoei ngeibü soushou khauektham aptikei.

³Aieilausi ngo tokei hak hinshongko, hoba Mühghaü soushou ngeibü langkeia ki hongko.

⁴Maimaitham ngeibü sembungei amlang ngüh alaulabü; ayingsi ngeibü lishangei yepeijawebü ngüh alaulabü.

⁵Ngei no mat matilabü dogo kho ngühkei aying; ngo ühaishongko ngei tükdebüa hatlepan alitilabü.

⁶Ngeibü saopobü ngei maisho hatlepan kia hoba alitilabü; ngo lang ki shongko ngeibü maangponei ngo khulimbo ai akilabü.

⁷Ngeibü dangbou kho amaibou to jetei, hoba ngo khulimbo longbü kho asaopobü to jetei kitishi.

⁸Aieilausi ladang Mühghaüei wapan aplaje khei ladang Mühghaüei haoeibü soushou langlaje, Mühghaü to ühütbü shanga maanglem ai aki.

⁹Hao jungto khonsak khonku loujinei haoei ngeksi Mühghaüei hao la ditkulep lo?

¹⁰Pendou Thükenbou to haoei olinlep lo? hoba jih pendoua haoei Mühghaü to ngalep lo?

¹¹Mühghaüeibü ikküm iklei seisihau shanga ngei ka to lenkho; pendou Thükenboueibü dambü ai ki kho ngei huan apholabü.

¹²Chühashi, kanei kan lolo ho pendou hapa; kholonga aila kan amlang yeikei?

¹³Mühghaü ka amaiboueibü phejan ho, hoba shieikoebü shuongeibü phet, laobou haoenei pendou Thükenbou ka sungletda.

¹⁴Haoeibü shousi shuong haalonga, kho in shanga, hoba hao ka bakbü shuong kho shi ashenda.

¹⁵Aoyou hao ka jouletkei haoen kho limeilangei shemlabü, hoba haoeneibü latnyu shuongei mang ühaaplabü.

¹⁶Haoei chandinam thamngu tegü shangtian phosikei, hoba shungkung kao tegü hele lamlesikei.

¹⁷Haoei kho lamlelakei kilabü, lausikei saopobü shuongei kho yuklabü, hoba shed akakbüei chandinam kho janan lelabü.

¹⁸Haoei keklak tegü haoeibü chem dangda, hoba lapheibü shuongei tipshou dangda.

¹⁹Hao keiko yaangko yepda, lausikei kho khüai; Haoei nyek longda hoba haoei nyaksinam akida.

²⁰Yungsenei tegü hatlamoklabüei hao laphetda; youche danga yeinakei hao soulangda.

²¹Chaangbou yeiei hao soulangda, hoba hao haoeibü kishang ka kulangda.

²²Aishanga Mühghaüei hao to aonouko aupuei suda, haoeibü ik ka hao satpang teida.

²³Hao la mütshuongei ik ipbuda, hoba haoeibü kishang ka hakei metan aplabü.