Read Chang Naga JOB 32 Bible Online

JOB 32 - Chang Naga bible

JOB 32

¹Hibü khübü müt semei Job to ajongaiko nangkei, aieilausi haoei jembü lolo saopobü dogo dambei.

²Hobaje Rameibü thensilen Buzabü Barakeleibü shou Elihu khauangkei. Job khulimbo maangpokkei, aieilausi Mühghaü toje hao ong tükde dogo haoei dambei.

³Tokei haoeibü thangbou müt sem khulimbokei hao khauangkei, aieilausi haoenei jongaibü tükdebü kho ühüpen, hoba Jobeibü shedbü kho ho hai dogo alenen.

⁴Tou Elihuei Job to joyola haiteiko kikei, aieilausi haoen toje jaishou.

⁵Hobaje müt semeibü sembunga jongailabü aki dogo chühenkei hao khauang longkei.

⁶Hobaje Buza bou Barakeleibü shou Elihuei jongaikei. “Ngo nashou kan aeibou jaishou, hibü khoei ngo hatko kikei, hoba kan to ngeibü dambü laiche ongkei alen.”

⁷Ngei laukei, “Jaishou shuongei lauashi, hoba salang loubü shuongei hapbü ngebü songsido lenashi.”

⁸Lausikei songboudobouei laukei, “Müt che to soushou che kia, hoba hao to pendou Thükenbou hak kia, khoei haoen la songsido kuda.

⁹Jaishoua nyenakei dogo ong songsido kida aying, ayingsi salang loubü shuongei ditenda dogo aying.”

¹⁰Hibü ngei lauda, “Kü to ditshi, ngeikei ngeibü dambü lenkho.”

¹¹Chühashi, ngei kaneibü ngüh haiiyeiko kikei, ngei kan hapbüngebü ngüh ditko, kanei ai laulaje dogo lambo kikei.

¹²Ngei kan to nou haangan kiteikei, hoba chühashi, kan aoeikei Jobeibü shedbü ho dogo alenen. ayingsi haoei laubü kan yoa aoeikei ajongaian.

¹³Künei songsido hapa dogo telau, Mühghaüei hao yantilabü dogo kanei lauakei maangsangashi.

¹⁴Ho tegübü ngüh haoei kü la alen, hoba kaneibü ngühei ngei hao to ajongai.

¹⁵Haoen oanshema, haoenei touje ajongaida, Haoenei laulabü ai aki.

¹⁶Hobaje haoenei ajoyolonga, haoen ngüh üangko kialonga, hoba touje ajongailonga ngoje kheiong haiteiko kilep sai?

¹⁷Ngeikei ngeibü phejanje jongailabü, hoba ngeikei ngeibü dambü lenlabü.

¹⁸Aieilausi ngo ngühei shenetnyu kia, Laumangsühbüei ngo laiong aleko kia.

¹⁹Chühashi, ngeibü shimung ho khün ayetbü jephot phatkei; ih haanbü jephot tegü thalabü lele ong kia.

²⁰Ngei hak hinlabü lele ngei laujan; Ngeibü sembung khop iptiashi hoba jongaitiashi.

²¹Ngei ho sudajada, ngei aoeibü thekei techühkho, ayingsi ngei aolakei nyensang tekukho.

²²Aieilausi ngei nyensang akuen, khei ayinglonga ngo kümbouei ngo tongde langlabü.