Read Chang Naga JOB 35 Bible Online

JOB 35 - Chang Naga bible

JOB 35

¹Kheijinei Elihuei athako laukei:

²Nyi ho tükde dogo damda sai? Nyi no kho Mühghaü tokei saopobou dogo damda sai?

³Kü shanga kho ai ku? Shed shonsi ashonsikei ngo ai ku dogo lauda?

⁴ka to hoba kaibü thangbou shuong to ngei jongaikho.

⁵Müh to chühangtiashi, hoba chühshi, hoba sangmei kho to tangko chühshi, kho ka to suokbou.

⁶Nyi shed shonsi hao phangche yeida sai? Hobaje nyi ngühkhüm juong leilusi hao shanga kho ai?

⁷No saopobü yingalonga nyi hao la ai kuda? Ayingsi kaibü ik ka haoei ai hapda?

⁸Kaibü khüpei langeibüei no tegübü ong khonkulabü, hoba kaibü saopobü kho müteibü shou che shanga ong ku.

⁹Shieikoe yongkotham yingsije mütshuongei ngekda; haoenei hau kibü ka thuibü hida.

¹⁰Lausikei aoeikei hai alau, ngo kümbou Mühghaü lanei ki? Aoei nangnak chia kuda?

¹¹Aoei kaodak meisiau toje sen to aei lenda, hoba müh kabü au toje aei sangbüdobü yeitida.

¹²Haoenei ngekda, lausikei amaibü hoba yonglamlili yingbü ka haoei ajongaida.

¹³Maimaitham Mühghaüei amlangbü ngekbü aditda, ayingsi pendou Thükenbouei kho aweeida.

¹⁴Kholonga nyi hao ühüpda dogo, ngühsidei kho hao thedanga kia dogo, hoba nyi hao haiteida dogo lauda longa lai hanbou weeida.

¹⁵Hobaje tou hao khauangko pean achühsi, ayingsi shedbü yongan alamsi.

¹⁶Jobei amlanga haoeibü sembung ipda; ai angeko haoei ngüh pühtida.