Read Chang Naga JOB 39 Bible Online

JOB 39 - Chang Naga bible

JOB 39

¹Yaoei shoushou ladang shatda nyi ngekeilao? Nyi meishiei shoushou shatbü haplao?

²Haoenei shoushou lit ladüng künda nyi weanchühlao, ayingsi haoenei shoushou shatbü jih ngekeilao?

³Haoenei youkükei thungetan shoushou shatda, hoba haoeneibü khonsak thontida.

⁴Khübü kho khongthua yama chingenda, haoen satda hoba alongaida.

⁵Yam kabü gadu kho aoei litikei, ayingsi yam kabü gadu aoei sengkei?

⁶Ngei aola yamlamang kho chem la lela kukei? Hobaje jem kao kho ao kishang la kukei.

⁷Haoei sangnyu lemenbü kho nyikuda, ayingsi kümbuboueibü ngüh aditda.

⁸Shongh kho haoeneibü lamshaushang, hoba haoei nyem sangtüngbü lamshauda.

⁹Mühghaü ngou paangei no khangenlep lo, ayingsi mühghaü ngou paang kaibü masu chema yepbulep lo?

¹⁰Nyi mühghaü ngou kho lühei phenan sek laütilep lo, ayingsi ka phainei haoei sek laükulep lo?

¹¹Hao hau yaangsikeinyi hao to mailem kilep lo? Nyi kaibü kümsilei yaangbü kho haola

¹²Kaibü youshou haoei sungbakulep hoba bunga khübü kho yoshaikulep dogo, nyi hao to maanglem pholep sai?

¹³Ostrikeibü kaak kho maisho pinda, lausikei khübü kho lolenshangeibü kaak to takteiyola athük.

¹⁴Aieilausi saoei saoeibü tei kaoa teida, hoba khübü kho phetsena paaktida.

¹⁵Hobaje kho lubüei leilutikulabü dogo, hoba yamkabü meisiauei naknyinkulabü dogo adamenda.

¹⁶Saoeibü shoushou kho haoeibü ayingbü tegütham maang akuko jungeida, saoeibü kümsilei kho amlang ong aikei hatko aki.

¹⁷Aieilausi Mühghaüei sao la songsido aku, hoba ditenbü phejan ajanletku.

¹⁸Khei yingsikei ladang saoei laangla saoeibü kaak binda, saoei koli si khünei setbou la nyikuda.

¹⁹Nyi koli la hau kuda sai, nyi haoeibü ngem kolieibü wiei shentikukei sai?

²⁰Hao hatlamoklabü che soumo kian wijinei koksüng tegü nyi lühtida sai?

²¹Haoei pholia olinbüei saiyeida, hao hau kiko insiaubu to shuokla hauda.

²²Haoei hatlamoklabü kho haü dogo aki, hoba haulo üangda. ayingsi in ka phai asukda.

²³Laophot, aupu, hoba ngatsim hao to.

²⁴Khau longbü hatlamoklabü hao to hapda, ayingsi teklaang metjinei hao atopeiko akienda.

²⁵teklaang metbü weko haoei, “Aha” dogo wida hebü ka haoei lason leiyeibüei oihinbü hoba leilangbü shuong laphetda.

²⁶Kaibü songsido danko aulu pijung hauda, hoba yungthang aeto kaak sengda sai?

²⁷Ayingsi kaibü ngühkhümei wekekshouei seengjung angan kui suokbüa hap kümda sai?

²⁸Hao laanglip longlenga kida, hoba shongh khua hao kishang kia.

²⁹Müh khüka haoei shausiyung lambo chühda; saabü ka haoei chühenda.

³⁰Haoeibü shoushou shuongei sii yungda; hoba lanei haibü mang ki, khünei hao kia.