Read Chang Naga JOB 8 Bible Online

JOB 8 - Chang Naga bible

JOB 8

¹Kheijinei Shuhai bou Bildadei jongaikei:

²Nyi habü ho lalokche laueila? Hobaje kaibü ngüh yeinyuyaang tegü lalokche kila?

³Mühghaüei matjem lusaktikuda sai, ayingsi pendou Thükenbouei ngühmai jeileikuda sai?

⁴Kaibü shousi shuongei hao khulimbo shabü shonkei yingalonga, khülonga haoei haoeneibü shedbü shanga shieikoea.

⁵Nyi ong maangkuko Mühghaü lama yingalonga, hoba pendou Thükenbou to suajaalonga.

⁶No hinseibü hoba tangbü yingalonga, maimaitham haoei ka la yingkulabü. Hobaje kaibü saopobü kishang sepeinyu ngaitikulabü.

⁷Hobaje no hanbüshouei khangsikei, no thonlama juong halabü.

⁸Aieilausi ngei ka to sudajada, shangiedbü meten shuong to pheshi. Hobaje haoeneibü pisibouei ai lamenjung loukei kho nyi lolo takteiashi.

⁹(Aieilausi senje mietbü shou ong hoba ai angekei, aieilausi kaodaka seneibü langkei kho mang che tegü ong.)

¹⁰Haoenei ka la song alenlep lo hoba shean alenlep lo?

¹¹“Thim akibüa dangkung yemlep si? Dei akibüa thakdu yemlep si?

¹²Ho tokei aliko shaangshoua kijinei awapbo, lubü yamsang ik pendou to sobou yuida.

¹³Kho tegü Mühghaü maan apbü pendou lamnyu thonda, hoba kho tegü Mühghaü to maialembü shuong maanglem mauda.

¹⁴Haoeibü maanglem thongokda, hoba haoeibü maanglem kho keklak chem che phatkei.

¹⁵Haoei haoeibü chem to nongda, lausikei kho aloda; haoei khünei hauei thükbü tegü hatlepda, lausikei khoei atinda.”

¹⁶Chanyu thedanga hao teideitham kia, hoba haoeibü bamanga shaang angda.

¹⁷Haoeibü li laangshang kaiko yuklepda; Hao laang kaanglang to atda.

¹⁸Hao haoeibü chem ka kakan sattialonga, chem khoei hao atheletlabü hoba laulabü, ngei no hapanachüh.

¹⁹Chühashi, haoeibü langkei lama olinbü kho ki, hoba thamngu ka lubü che longda.

²⁰Chühashi, Mühghaüei janbümubü müt nangan üplabü. Ayingsi haoei amaibü kümbü shuong to athuilabü.

²¹Haoei kaibü sembung nyiyobüei, hoba kaibü sembungkhop ngekbüei nyibou shentilabü.

²²Kaibü dangbou shuong himouei shentilabü, hoba amaiboueibü neichem akiko aplabü.