Read Chang Naga JOB 9 Bible Online

JOB 9 - Chang Naga bible

JOB 9

¹Kheijinei Jobei jongaikei:

²Maimaitham tükde dogo ngei ngekei? Lausikei Mühghaü thedanga lai küman mütei saopoan kienla?

³Müt cheei hao to wetyomangsühsi, hajar chenei che ongkei haoei ajongaienlabü.

⁴Haoeibü maangpona hao lolo sangbüdobü, hoba hao hau kibüei, hao khulimbo maangkaangbü shuong aoyouei thükkei minkei?

⁵Haoei shongh tonenda hoba haoenei kho angeda; haoei khauangko khübü kho khüpeitida.

⁶Haoei kaodak haoeibü denshang ka nyakeida, hoba khoeibü thaonyu shuong lühda.

⁷Haoei chanyu la ngühkhüm kuda, hoba kho ohauda, hoba haoei khanshoulit shuong khinlepda.

⁸Haoei ong mühshuong phambo sengda, hoba yungnyu deishou thüka paida.

⁹Haoei müha khanshoulitshou shen shen khei Sabnyu, Orion, hoba Pleiades, hoba müh chaenei shemjang shuong kümbei.

¹⁰aditshuokbü kümsilei yaangbü haoei kümda, haü, aweenbü maangpanglabü kümsilei kümda.

¹¹Chühashi, hao kü to himan hauda, hoba ngei hao ühüpda; hao kü kü theto tanda lausikei ngei hao ashenda.

¹²Chühashi, haoei japan sungda aoei hao thangetla thükla? nyi ai kümda dogo aoei hao to lauenla?

¹³Mühghaü kheiongje khau üangda; Rahabeibü thuiyobü shuong haoeibü you phanga khüpetkei.

¹⁴Khülonga hao to nyi lai jongaila? hoba hao yoa ngüh pheyophanyola shanga ngeibü ngüh lai pienla?

¹⁵Ngo saopobü kiasikei, ngei hao to ajongaien; touje ngeibü dangbou to ngei sulajalabü ong.

¹⁶Ngei hao to ngaa tegüje, haoei kü to jongaikhoulabü. Kheiyingsikei haoei ngeibü ngüh ditlabü dogo maikei telembhoulabü.

¹⁷Aieilausi haoeibü yeinakei ngo leilutikuda, hoba ai ayingnyu ngeibü mou pintida.

¹⁸Haoei ngei hak hinla asakkuda, lausikei khaubüei ngo shentida.

¹⁹Hau ong tokyko laualonga haoei kaishima dogo lauda, hoba mat angko laualonga haoei, ladang laoyomang sühda dogo lauda.

²⁰Ngo saopoan kiasikei, ngeibü sembungei ngo yuktilabü, ngo janbümubü, lausikei haoei ngo kombünongbü dogo lauda.

²¹Ngo janbümubü, ngei ngo lolo weeiko aki; ngei ngeibü langkei nyikuda.

²²Ho pendou jetei ong, hibü ngei lauda, maibükei amaibükei haoei mautida.

²³Limsilang khoei mangde haitialonga, aoyou shedbü aki haoen khonkubü haoei nyikuda.

²⁴Kaodak kho amaiboueibü ik to kua; khünei matjembü shuongeibü thenyek haoei küplepbuda; haoei akümlonga aoei yingla?

²⁵Ngeibü chalou shuong lapangbü tokei yousobou hauda; khübü kho pijung satda, khübüei ai maibü ühüpda.

²⁶Auluei haitilabü meisiau to khoyam pijung louyenan bauyobü tegü, khübü kho long minbü tegü hauda.

²⁷Ngei ngo nyamnyambü maan apbho, ngeibü thekhümbü ngesakko laualonga.

²⁸Ngei ngeibü khonsak pendou to hatda; aieilausi nyi “Ngo shedbü aki,” dogo laula ngei ngekei.

²⁹Ngo yuktilabü haang; khülonga jim akibüa aila ngo hüda?

³⁰ninthuei ngo lolo sakalonga, hoba ngeibü ik saponei sakalonga.

³¹Kheijinei nyi ngo thimto jangan jinlabü, hoba ngeibü neisimeieikei ngo mangsenlabü.

³²Aieilausi ngei hao to jongailabü lele, hoba küsi matjemla haulabü lele, hao ngo tegübü müt aying.

³³Küsiham ik shatyolabü lele, Küsi kanglanga pankulabü aokei aki.

³⁴Kü jungka hao la haoeibü ju langtiashi, hoba hao hatlamoklabüei ngo temokti.

³⁵Kheijinei ong hao to ühütko ngei laulabü, aieilausi kü to hatlabü ai aki.