Read Chang Naga NYENSANG CHIA 108 Bible Online

NYENSANG CHIA 108 - Chang Naga bible

NYENSANG CHIA 108

¹O Mühghaü, kü maangpon lepde anyakeiko kia! Ngei chia laulabü hoba no sanglabü! Pienashi, kü soushou!

²Piashi, ngeibü kongkin hoba pithung! Ngei chanyu lakseptilabü.

³O BUNYUBOU, mütshuong yoa ngei ka nyen sanglabü; hoba phangshuong yoa ngei nyensang chia laulabü.

⁴Aishanga kaibü sanoudambü müh limbo yaangenakei, hoba kaibü maanglemenbüei sangmei shuong süha.

⁵O Mühghaü, müh thükkabou sühko no yaangentishi, hoba kaibü soneikangbü kaodak pendou thüka kitishi.

⁶Khünei nyi sanoubü shuong khümenlabü, kaibü mae ikei khümenashi hoba kün to jongaikaima.

⁷Mühghaüei haoeibü saopoenbü kaoena joyoa, ngo aeibou olinlabü; ngei Shekhem janlabü hoba Sukkot pholi takan aplabü.

⁸Gilead ngeibü hoba Manasse kei ngeibü; ngeibü khu thanglepla Efraim kia; Jihuda ngeibü Chobaeibü aubu hanshang ki.

⁹Moab kho ngeibü sakjin kamphau ki, Edom thüka ngei ngeibü ngokei nakeilabü; Filistia thükto ngei thüksimina ngeklabü.

¹⁰O Mühghaü, aoei ngo balepan kibü sangnyu to leian atla? Aoei ngo Edom to leian haula?

¹¹O Mühghaü, nyi kün maimai inleda lo? O Mühghaü, no küneibü sepai tan yoa ohaulep lo?

¹²Dangbou shuong khulimbo kün la thuibü kushi; aishanga müteibü thuibü jim aki.

¹³Mühghaü danko künei hau kiko kümlabü; aishanga küneibü dangbou nakan yantibou kho hao ki.