Read Chang Naga NYENSANG CHIA 111 Bible Online

NYENSANG CHIA 111 - Chang Naga bible

NYENSANG CHIA 111

¹Kanei BUNYUBOU sangashi! Saopobü thangyena hoba mailembü shuong kambüa, Ngeibü maangpon khümbouei ngei BUNYUBOU la nyensang kulabü.

²BUNYUBOUeibü kümsilei shuong yaangbü ki, khübünei aoyou olinda pendouei lamlabü ki.

³Haoeibü kümsilei nyen hanglabü ki hoba soumo kia, hoba haoeibü saopobü ponpen thon akiko kida.

⁴Haoei haoeibü maangpanglabü kümsilei shuong damenko kilabü lele yeitida; BUNYUBOU onou hoba üeisanou dambüei shenakei.

⁵Haoei hao to hatbü la shausiyung kuda; haoei ponpen haoeibü thebülanbü damenko kilabü.

⁶Haoei jembü mütli la phang shuong phetphanla kulabü; haoeibü kümaleia sei lena.

⁷Haoeibü ikkümiklei shuong maimaitham hoba ngühmai ki; haoeibü ngühkhüm pendou tükde ki.

⁸Khübü kho ponpen thon akiko küman phoakei, khübü kho maimaitham hoba ngühmaia kümakei.

⁹Haoei hao mütli shanga angthetbü kukei; hoba ponpen shanga haoeibü thebülanbü kümbei; hao nyen saopobü hoba hatlamoklabü kia.

¹⁰BUNYUBOU to hatbü kho songsido khangshang ki; ho aoyouei kümda haoen pendou ditenbü maibü ki; Haoeibü nyensang thon akiko ponpen kida.