Read Chang Naga NYENSANG CHIA 136 Bible Online

NYENSANG CHIA 136 - Chang Naga bible

NYENSANG CHIA 136

¹O BUNYUBOU la nyensang kuashi, aishanga hao maibü ki; aishanga haoeibü üeisanou ponpen kida.

²O mühghaü shuong thüka Mühghaü la nyensang kuashi, aishanga haoeibü üeisanou ponpen kida.

³O BUNYUBOU shuong yoa BUNYUBOU la nyensang kuashi, aishanga haoeibü üeisanou ponpen kida.

⁴Aoei seikümseilei yaangbü hao mütpemei kümda, hao sangashi, aishanga haoeibü üeisanou ponpen kida.

⁵Aoei songeidoei müh shuong kümbei hao sangashi, aishanga haoeibü üeisanou ponpen kida.

⁶Aoei yungnyua kaodak imlo iman kümbei hao sangashi, aishanga haoeibü üeisanou ponpen kida.

⁷Aoei ngesakbü yaangbü kümbei hao la nyensang kuashi, aishanga haoeibü üeisanou ponpen kida.

⁸Chaloua chanyuei songdakla, aishanga haoeibü üeisanou ponpen kida.

⁹Nangnak litnyu hoba khanshoulitshou shuongei songdakla, aishanga haoeibü üeisanou ponpen kida.

¹⁰Aoei Ijepbüeibü jayangshou haitikei, aishanga haoeibü üeisanou ponpen kida.

¹¹Haoei haoen yoka Israel leiyenkei, aishanga haoeibü üeisanou ponpen kida;

¹²sekokbü ikei hoba phak shingbüei; aishanga haoeibü üeisanou ponpen kida.

¹³Saklangbü yungnyu janyintibou la nyensang kuashi, aishanga haoeibü üeisanou ponpen kida;

¹⁴hoba kho maang ka Israelbü dantikei, aishanga haoeibü üeisanou ponpen kida.

¹⁵Lausikei haoei saklangbü yungnyua Farao si haoeibü lakjaibü shuong shemettikei, aishanga haoeibü üeisanou ponpen kida.

¹⁶Aoei jembü mütli phetsen danko leikei hao la nyensang kuashi, aishanga haoeibü üeisanou ponpen kida.

¹⁷Aoei Choba yaangbü shuong haitikei hao la nyensang kuashi, aishanga haoeibü üeisanou ponpen kida;

¹⁸hoba nyenshen Choba shuong haitikei, aishanga haoeibü üeisanou ponpen kida.

¹⁹Amorbü Choba Sihon, aishanga haoeibü üeisanou ponpen kida;

²⁰hoba Bashanbü Choba Og, aishanga haoeibü üeisanou ponpen kida;

²¹hoba haoeneibü kaodak phetphan la kukei; aishanga haoeibü üeisanou ponpen kida;

²²khei hao khangenbü Israel shanga phet kukei, aishanga haoeibü üeisanou ponpen kida.

²³Aoei sen naklepbü thua kijinei sen damenkei; aishanga haoeibü üeisanou ponpen kida;

²⁴hoba seneibü dangbou shuong ka sen khümenkei, aishanga haoeibü üeisanou ponpen kida.

²⁵Haoei langkei kibü pendou la shausiyung kuda; aishanga haoeibü üeisanou ponpen kida.

²⁶O khuthükbü Mühghaü la nyensang kuashi, aishanga haoeibü üeisanou ponpen kida.