Read Chang Naga NYENSANG CHIA 138 Bible Online

NYENSANG CHIA 138 - Chang Naga bible

NYENSANG CHIA 138

¹Ngeibü maangpon khümboei ngei ka la nyensang kulabü; Mühghaü shuong thüka ngei kaibü nyensang laulabü.

²Ngei kaibü saopobü lembü chem ae yeian lemlabü, hoba kaibü üeisanou hoba no tükdebü shanga ngei ka la nyensang kulabü; aishanga nyi pendou to kaibü nyen si kaibü ngüh yaangenbou yeitikei.

³Ngei ka to ngabü chaloua nyi kü to jongeikei; nyi ngeibü soushou la hau kuko thungeikei.

⁴Kaodakbü Choba pendouei ka la nyensang kulabü, O BUNYUBOU; aishanga haoenei kaibü sembung ka ngüh dida.

⁵Haü, haoenei BUNYUBOUeibü lamnyu shuong shanga chia laulabü; aishanga BUNYUBOU soneikangbü yaang ki.

⁶Aishanga BUNYUBOU thükkaboua kiasikei, khei yingsikei haoei phanga kibü shuong pakan jinda; lausikei haoei saabü ka yonglamlilibü ngeda.

⁷Ngo khonsaka paiasikei nyi ngo khümetangetda; ngeibü dangbou shuong khauang longbü naklepbo nyi kaibü ik shingda; hoba kaibü mae ikei ngo khümenda.

⁸BUNYUBOUei ngeibü lamthen lamleikulabü; Kaibü üeisanou, O BUNYUBOU, ponpen kida; kaibü ikei hatbü kümsilei nyi alitida.