Read Chang Naga NYENSANG CHIA 141 Bible Online

NYENSANG CHIA 141 - Chang Naga bible

NYENSANG CHIA 141

¹BUNYUBOU, ngei ka to ngekda, kü jungto hali kaiya; ladang ngei ka to ngalaje, ngeibü ngüh to nou haangbüma.

²Ponlem tegü ngeibü welau chasem haitibü lembü tegü, ngei ik tuokbü ka junga lousühtishima.

³O BUNYUBOU, ngeibü sembung thüka lombou che phokushi; ngeibü sembungkhop koukhün lombüma.

⁴Mütshuong aoyouei shedbü kümda, haoeneibü amaibü kümaleia ayolabü lele, nyi ngeibü maangpon amaibü aeto teyeitima; hoba kü la haoeneibü shausiyung amaibü teshautima.

⁵Saopobü mütei kü to ngektishi, kho sanoubü kümsilei che yinglabü; hoba haoei kü to hakalonga kho khua onang tegü kilabü; ngeibü khuei kho asungletko tekiti. Khei yingasikei amaibü daneibü kümsilei khulimbo ngeibü welau ananglabü.

⁶Ladang haoeneibü songdakbü shuong laang laak ka phetettilaje, kheijinei haoenei ngeibü ngühshuong sungletlabü; aishanga khübü kho teiakei.

⁷Kaoa bu phetnyinbü tegü, haoeneibü lo Sheola netla yeilabü.

⁸Aishanga ngeibü nyek ka aenei kia, O BUNYUBOU Mühghaü; ka to ngei maanglemda; ngeibü soushou tenangletma.

⁹Kü shanga sung sankubü ka hoba amaibü kümbü maangkabou ka ngo khümenshima.

¹⁰Ngo satenjinei haoenje jembü tin to attishi.