Read Chang Naga NYENSANG CHIA 142 Bible Online

NYENSANG CHIA 142 - Chang Naga bible

NYENSANG CHIA 142

¹BUNYUBOU to ngeibü ngühlangei ngei ngekda; ngei BUNYUBOU to ngüh yaangbüei sudajada.

²Ngei hao thedanga maang ühaibü lenda; ngei hao thedanga ngei ngeibü khonsak lenda.

³Ladang ngeibü soushou semthetda nyi ngeibü lamnyu ngeda, ngo pailabü lamnyua haoenei tin sanan phokuda.

⁴Ngeibü mae aeto chühsi, chühashi, ngo ngebü müt ao aki; ngo satenshang aki hoba aoeikei kü langkei shanga adambuda.

⁵Ngei ka to ngekkei, O BUNYUBOU, ngei laukei, “No ngo satenshang, langkeia no ngeibü phejan ki.”

⁶Ngei ngekbüa maanghaishima, aishanga ngo aeibou nakan yantiakei; ngo shieikoebü shuong ka ngo khümenashi, aishanga kütoje haoen hau kibou.

⁷Kaibü nyena nyensang kuenlabü lele, kü soushou thüngshang ka leiyenshima; saopobü shuongei ngo kaileplabü; aishanga nyi kü to soukoaoko jungeilabü.