Read Chang Naga NYENSANG CHIA 146 Bible Online

NYENSANG CHIA 146 - Chang Naga bible

NYENSANG CHIA 146

¹BUNYUBOU sangashi! BUNYUBOU sangashi, O kü soushou.

²Ngo langkei kijinei ngei no sanglabü, ngei ngeibü Mühghaü to ngo langkei kijinei nyensang chia laulabü.

³Kongnyubou to ayingsi müteibü shou aotokei no püetlabü hau aki, kanei hao to maang telem.

⁴Ladang haoen hak thonlaje, khünyet haoen thamngu to ngaida; kho jihatham haoeneibü kümthen thonshang che to louda.

⁵Aoei jembü thuibü shanga Jakob Mühghaü ki, aoeibü maanglem BUNYUBOU haoeibü Mühghaü to ki, hao olinbou.

⁶Aoei müh si kao kümbei, yungnyu hoba khünei kibü pendou; aoeibü maanglemenbü ponpen kida.

⁷Aoei naklepbü la ngühmai kuda, aoei mühbünoubü la shausiyung kuda; BUNYUBOUei thüngbü shuong litida.

⁸BUNYUBOUei nyekthubü shuong nyek ipbuda; aoyou khüpetan ki haoen BUNYUBOUei phonda, BUNYUBOUei saopobü shuong to sanouda.

⁹BUNYUBOUei yenbou shuong lomda; haoei bou akibü hoba latnyu tonenda; lausikei amaibüeibü lamnyu haoei sepeisaitida.

¹⁰BUNYUBOUei ponpen songdaklabü. O Zion, ka Mühghaüei meten pendou onlangko songdaklabü. Kanei BUNYUBOU sangashi!