Read Chang Naga NYENSANG CHIA 16 Bible Online

NYENSANG CHIA 16 - Chang Naga bible

NYENSANG CHIA 16

¹O BUNYUBOU, ngo püetkai, aieilausi ngo ka to satenda.

²Ngei BUNYUBOU to lauda, “No ngeibü BUNYUBOU, ka to limbo maibü aikei aki.”

³Kaodaka kibü saopobü shuong haoen yaangenbü, haoen to ngeibü olinbü pendou kia.

⁴Aoyouei BUNYUBOU jeiko lubü mühghaü pienda, haoen maangshat haalabü. haoeneibü sii jonbü lembü ngei akulabü, ayingsi haoeneibü sembung khopa haoeneibü nyen alelabü.

⁵BUNYUBOU ngeibü phetphan hoba ngeibü thung ki; nyi ngeibü thu senetan kia.

⁶Takbü lüh kü shanga kaoen maibüa atakei; haü, ngei phet maibü kia.

⁷Ngei BUNYUBOU sangkho, haoei kü la songlen ngüh kukei; nangnakkei kü maangponei kü la lenda.

⁸Ngei ngeibü BUNYUBOU kü thedanga athakko phoda; hao ngeibü maiaenei kia, hibü ngo atopeilabü.

⁹Khei yingbüei ngeibü maangpon olinda hoba kü soushou olin angda; ngeibü mangkei hatbü akiko kilabü.

¹⁰Aieilausi nyi ngeibü soushou Sheola üpyolabü; hoba nyi kaibü saopobü la nyaübü ühüptilabü.

¹¹Nyi kü la langkei lamnyu lenda; ka thedanga olinbü souko kia; kaibü mae ika ponpen maangamaibü kia.