Read Chang Naga NYENSANG CHIA 17 Bible Online

NYENSANG CHIA 17 - Chang Naga bible

NYENSANG CHIA 17

¹Ngühmai to ditshi, O BUNYUBOU, ngei ngekbü ditshi; khüpsilang akibü sembungkhop ka longbü ngeibü welau ditshi!

²Ngeibü matmai ka jungka longtishi; kaibü nyekei ngühmai haptiashi!

³Nyi ngeibü maangpon takteia tegükei, nyi ngo nangnak takteia tegükei; Nyi ngo takteia tegükei, Nyi kü ka amaibü ühüplabü. Kü sembungei ngühkhüm ajaksheila maangangena.

⁴Müteibü kümsilei shanga hai, kaibü sembung kabü ngüh danko ngo sekbülakbü kümsilei ka ngo lolo banga.

⁵Kaibü lamnyu ka ngei ngeibü younak üeisheida, ngeibü you ashek.

⁶Ngei ka to ngekda, aieilausi nyi kü to jongailabü, O Mühghaü. Kaibü nou kü ae yeishi, hoba ngeibü ngüh ditshi.

⁷Kaibü kaangbüsekbü sanou maangpanglabü thonan lenashi; ka to aoyouei satenda, haoen khulimbo meimeibü shuong ka nyi kaibü mae ikei haoen khümenda.

⁸Ngo khonkutibü amaibou ka, ngo komlepbü ngeibü dangbou sekbülakbü ka.

⁹Kaibü kaak yemephanga ngo hushi. Leilutibou amaibou ka ngo khümenshi.

¹⁰Haoeneibü maangpona onou akakkei; haoeneibü sembungei haoenei yonglam lilibü lauda.

¹¹Haoenei youmo phanko laphetda, tou haoenei ngo kailepda; haoenei ngo kaoa tuongtila chüheida.

¹²Aoei haitilabü meisiau shanga haiyeida, hao molosaonyu tegü kia, hoba thoan kibü molosaonyu paang phatko ki.

¹³Meimeiashi, O BUNYUBOU, hao to shuokashi, hao tuongtiashi, amaibou ka inei, ngeibü soushou khümenashi.

¹⁴Müt ka kaibü ikei O BUNYUBOU, kaodakbü müt ka, aoyoueibü phejan ho langkeia ki; hoba aoyoueibü shi haibü nyakeinamei nyi shentida. Haoen ka ngo khümenashi; Shousiei haoen maang haida hoba haoeneibü joubü nyaksinam jembü shousi la phokuda!

¹⁵Ngeije matmaibüa kaibü thenyek chühlabü, ngo pijinei kaibü mang hapan ngo maang hailabü.