Read Chang Naga NYENSANG CHIA 2 Bible Online

NYENSANG CHIA 2 - Chang Naga bible

NYENSANG CHIA 2

¹Phangshuong aila lemenyoda? Hobaje mütshuongei amlangbüa huon takda?

²BUNYUBOU hoba haoei pienbü khulimbo kaodak Choba shuongei loda, hoba songdakbü shuongei liko huon takda hoba lauda.

³“Senei haoeneibü lühkhüh sengkukho; hoba haoeneibü khühbü sen ka sungan apakho.”

⁴Khuthüka setbouei nyikuda, BUNYUBOUei haoen yuktilabü.

⁵Kheijinei haoei khauangko haoen to joyolabü, hoba hao aeibou maangto shatko haoen khonkutilabü.

⁶Khei yingasikei, Zion ngeibü saopobü sangnyua ngei ngeibü Choba settia.

⁷“Ngei ngühkhüm shanga kho lenkho,” BUNYUBOUei kü to laukei, “No kü shou. Tat ngei no bukkei.

⁸Kü ka hiashi, hoba phangshuong kho ngei ka la phetphanla kulabü. Hobaje kaodak thonbü sühko ka shangabü yingla kukho.

⁹Nyi haoen namjuei leilutikulabü, nyi haoen jakyaübüeibü chak tegü ngümnyinkulabü.”

¹⁰Hibü, O Choba shuong, kan songsihon kiashi; Kan kaodak matjembü shuong maangsangashi.

¹¹BUNYUBOU to hatjihatko khangenashi, hoba lühjilühko olinashi.

¹²Hao khauang alonglabü lele hoba lamnyua kan amaulabü lele shou to sembung shepashi. Aieilausi hao tongde khauanglabü; hao to maanglembü pendou kho haübou.