Read Chang Naga NYENSANG CHIA 29 Bible Online

NYENSANG CHIA 29 - Chang Naga bible

NYENSANG CHIA 29

¹BUNYUBOU hangenashi kan khuthükbü shuong, BUNYUBOU la soneikangbü hoba hauh kuashi.

²BUNYUBOU la hao nyenei mubü soneikangbü kuashi; saopobü hele lean BUNYUBOU lemashi.

³BUNYUBOUeibü ngüh yungnyu thüka kia; soneikangbü Mühghaü, khei dei juong thüka BUNYUBOU. BUNYUBOUei langmak maktida.

⁴BUNYUBOUeibü ngüh hau kibü; BUNYUBOUeibü ngühlang yaangenbüei shenakei.

⁵BUNYUBOUeibü ngühei cedar bulong leilutida; haü, BUNYUBOUei Lebanona kibü cedar bu netla yeiko leilutida.

⁶Haoei haoen masu shoushou tegü saiyeitida, Lebanon hoba Siriona kibü mühghaü ngou shoushou tegü saiyeitida.

⁷BUNYUBOUeibü ngühei wanlong wapletda.

⁸BUNYUBOUeibü ngühei lamang nyaakeitida, BUNYUBOUei Kadesh lamang yamnak nyaakeikuda.

⁹BUNYUBOU langhei yembulong nyaakeitida; hoba lamang kelutham aptida; hoba haoeibü lembü chema pendouei lauda, “Soneikangbü!”

¹⁰BUNYUBOUei yungsen thüka songdakda; haü, BUNYUBOU tegü thon akiko setda.

¹¹BUNYUBOUei jembü mütli la haükuashi! BUNYUBOUei jembü mütli sangmai haksoei haükushi!